Video
Read full review
2022-10-08
99 views
又食串燒喇!😋一入到去，侍應就安排大大張直角梳化位俾我地兩個人，心諗幾正喎，兩個人坐緊6~8人位，夠晒寬敞舒服。不過坐低後睇清楚個場，原來全場就只有4個大直角梳化，好彩今晚人唔多，如果唔係我地就要轉場啦。但坐多一陣，就聽到有人唱K，原來Bar嘅設計係圍邊設置多個獨立房間，坐位其實唔只眼見嘅4張直角梳化。呢個場嘅設計都幾好，如果多幾個人，就可以自己一班friends包房唱K，唔錯!掃QR code落單，夠晒簡單方便，食物種類都唔算少，望落價錢，以尖沙咀區嚟講，絕對合理可接受，搞到有好多嘢都想食，可惜胃得兩個，忍忍手之下都叫左6, 7樣嘢食😅。喺落單期間，發覺原來呢度仲有BBQ自助餐，諗吓都覺得正，室內、涼住冷氣燒嘢食?! 今日唔玩BBQ住，都係叫嘢食先🥩黑椒牛排 ($78) 呢個一定唔可以唔叫，尤其係如果鍾意食牛扒嘅。牛扒燒得好靚，5~7成熟，牛扒外面有燒烤格格紋，內裡肉嫩粉紅，入口軟腍。🍗雞腿肉3串 ($68) 燒汁味甜甜地，雞肉幾滑。🍆重慶燒茄子 ($68) 完全係渝菜嘅麻辣重口味，喜歡食辣嘅應該都會喜歡這個。題外話，落單點食物時，除了揀食物之外，仲可以揀味道、辣度、醬汁，唔係千篇一
一入到去，侍應就安排大大張直角梳化位俾我地兩個人，心諗幾正喎，兩個人坐緊6~8人位，夠晒寬敞舒服。不過坐低後睇清楚個場，原來全場就只有4個大直角梳化，好彩今晚人唔多，如果唔係我地就要轉場啦。但坐多一陣，就聽到有人唱K，原來Bar嘅設計係圍邊設置多個獨立房間，坐位其實唔只眼見嘅4張直角梳化。呢個場嘅設計都幾好，如果多幾個人，就可以自己一班friends包房唱K，唔錯!
掃QR code落單，夠晒簡單方便，食物種類都唔算少，望落價錢，以尖沙咀區嚟講，絕對合理可接受，搞到有好多嘢都想食，可惜胃得兩個，忍忍手之下都叫左6, 7樣嘢食😅。喺落單期間，發覺原來呢度仲有BBQ自助餐，諗吓都覺得正，室內、涼住冷氣燒嘢食?!
今日唔玩BBQ住，都係叫嘢食先
🥩黑椒牛排 ($78) 呢個一定唔可以唔叫，尤其係如果鍾意食牛扒嘅。牛扒燒得好靚，5~7成熟，牛扒外面有燒烤格格紋，內裡肉嫩粉紅，入口軟腍。
黑椒牛扒
$78
4 views
0 likes
0 comments
🍗雞腿肉3串 ($68) 燒汁味甜甜地，雞肉幾滑。
🍆重慶燒茄子 ($68) 完全係渝菜嘅麻辣重口味，喜歡食辣嘅應該都會喜歡這個。題外話，落單點食物時，除了揀食物之外，仲可以揀味道、辣度、醬汁，唔係千篇一律得一款味道。
重慶燒茄子
$68
3 views
0 likes
0 comments
🔸️燒秋葵($38) 新鮮，燒完無左果種滑潺潺嘅感覺。
燒秋葵
$38
2 views
0 likes
0 comments
🔸️麻辣蓮藕($48) 呢個好辣、好香，勁惹味；蓮藕又爽口，連伴菜嘅花生都好脆好好食。
麻辣蓮藕
$48
2 views
0 likes
0 comments
🧈牛油蒜蓉娃娃菜($68)娃娃菜切了丁方小片，方便易食，入晒味。
🦑避風塘魷魚鬚($98) 夠晒亁身，好多炸蒜、指天椒，香口、味濃。
🍸🍍Pineapple($58) 雖然唔似係鮮榨菠蘿汁，但唔會死甜，微酸，易入口
🍸🍋Lime Soda ($58)解喝、解辣之選。
🛋喺度真係坐得好舒服，食吓嘢、傾吓計，唔覺唔覺原來已經坐左3，4個鐘，約定下次搵多幾個朋友上嚟包房玩先。
Post
