團日式拉麵

Open Now

Now Closed

呢間拉麵舖都唔易搵，唔係聽過人講都唔會搵到嚟。點餐同俾錢都係用外面嘅點餐機，似足日本；好彩人唔多，都好快搞掂。點咗個魚介拉麵同黑蒜油拉麵主要講個黑蒜油拉麵啦：湯底夠晒濃，唔係死咸，而係真係好蒜！有蒜泥同炸蒜，啱晒我呢個重口味拉麵迷豚肉唔會韌，肥瘦剛剛好，正！隻蛋有驚喜：本身掛住食其他嘢浸住隻蛋臨尾先記得食，點知仲係流心架！魚介拉麵我就淨係飲咗一啖個湯，魚味香濃下次可以一試，不過要唔揀個黑蒜油真係要好忍得手啊！食完先留意吓個環境：好乾淨！連平時少人睇到嘅位，留心望望都好乾淨，無塵，證明真係有心機打理間舖，先會keep得咁企理。