Video
Read full review
2018-07-29
98 views
今次產檢係坑口,三點鐘,我差唔多一點幾就到左坑口,記得次次黎產檢都經過呢度的美食街, 見到呢間十分搶眼的炸一字雞翼小店,今次咁啱天時地利人和,可以黎一個人自私食嘞!!!!!!! 呢間雖然係美食街的一間小店,但都有4個坐位,可以坐住慢慢食,啱晒我可以慢慢hea唔洗週圍走! 而且又有冷氣,仲坐得幾舒服喎!我因為未食午餐, 加上一人食二人補的關係,心多眼亂,聽了店員的推介,叫了一個三色拼盤, 再叫一杯檸茶BB, 然後見到有而家好興的黃金脆脆炸一字雞翼,(咸蛋黃味),一於叫埋佢! 諗住俾錢時,同店員吹下水,俾佢知我未食飯,佢話驚我唔夠食,推介我叫一碗撈麵,但我眼尾望到呢到仲有曲脆薯條賣,追加都係加10蚊,梗係叫薯條啦(因為我鍾意食薯條同埋想食煎炸野嘛~)俾完錢,搵個位坐下, 等左一陣雞翼大餐黎了! 店員一拎到埋黎,炸雞翼個鼓熱辣辣的蒸氣湧上塊面,唔洗問都知有幾新鮮同埋係咪即炸! 先食三色拼盤,味道分別有原味,蒜醬豉油同埋車打芝士各4件。 先食淡味再到濃味,原味即係平時大家係茶記食到的生炸雞翼,呢度同出面茶記唔同的係,佢炸得好新鮮,一D唔柴皮!! 裏面係全熟無血水! 炸雞翼的功夫夠到家!!
我因為未食午餐, 加上一人食二人補的關係,心多眼亂,聽了店員的推介,叫了一個三色拼盤, 再叫一杯檸茶BB, 然後見到有而家好興的黃金脆脆炸一字雞翼,(咸蛋黃味),一於叫埋佢! 諗住俾錢時,同店員吹下水,俾佢知我未食飯,佢話驚我唔夠食,推介我叫一碗撈麵,但我眼尾望到呢到仲有曲脆薯條賣,追加都係加10蚊,梗係叫薯條啦(因為我鍾意食薯條同埋想食煎炸野嘛~)
俾完錢,搵個位坐下, 等左一陣雞翼大餐黎了! 店員一拎到埋黎,炸雞翼個鼓熱辣辣的蒸氣湧上塊面,唔洗問都知有幾新鮮同埋係咪即炸! 先食三色拼盤,味道分別有原味,蒜醬豉油同埋車打芝士各4件。 先食淡味再到濃味,原味即係平時大家係茶記食到的生炸雞翼,呢度同出面茶記唔同的係,佢炸得好新鮮,一D唔柴皮!! 裏面係全熟無血水! 炸雞翼的功夫夠到家!!!! 而且調味啱啱好唔重口味,食多幾隻都唔會口渴!
12 views
0 likes
0 comments
跟住試下蒜醬豉油味~! 如果你嫌生炸無汁唔過癮,呢款一定啱你,雖然佢有醬汁,但醬汁同雞翼比例一流,唔會搞到雞翼軟淋淋,脆口之餘又可以濕濕個口,同樣地醬汁調味又係啱啱好,濃稠的醬汁,蒜香同豉油唔會互搶,恰到好處,唔會過咸!好味道!
跟住到車打芝士味了~!!! 呢個我最期待,又係一口脆雞翼配上香濃芝汁,店主落車打芝士醬一D都唔吝嗇,芝士控一定啱晒~! 簡直食唔停口呀!!
黎到黃金脆脆炸一字雞翼了,見到個賣相真係要嘩一聲,大量的咸蛋黃醬,咸蛋黃粉同埋脆蒜~未食都已經流晒口水!!! 一食落口,滿口香濃的咸蛋黃味,令人超級滿足~~
16 views
0 likes
0 comments
最後到配菜,曲脆薯條, 即係舊式香港快餐店食到的厚薯條,估唔到又一驚艷小食!!!!! 除了厚薯條有著啖啖薯仔香味,店家用了點小機心, 洒了一點椒鹽,提升了整個薯條的層次~很蠱惑呀!!! 令人慾罷不能的狂吃! 真不能看輕它!
10 views
0 likes
0 comments
點了這麼多煎炸野, 當然小不了一般清涼飲品,我叫了檸茶BB! 是一杯檸茶沙冰!!!檸香茶味又濃 仲要唔洗篤檸檬!!炎炎夏日飲它實在有夠冰涼解渴又痛快!
8 views
0 likes
0 comments
總括而言,雖然是一間小食店,但店主的心思真的不錯,為食客設想周到,真正留得住食客個胃呀!! 所以一定有下次!!
Post
