細蓉記 (Closed)

嚟到太和叉電，真係諗唔到有咩好食，於是乎蕩下蕩下去到呢間細蓉記，佢係食雲吞麵、點心嘅，不過見到隔籬枱有人叫咗個下午茶，40幾蚊雲吞麵，得嗰三粒細細粒雲吞，啲面又唔多精神，梗係唔叫啦。睇完個下午茶餐牌，都唔覺得有啲咩好食，冚嘭唥都40幾蚊，有時都唔係錢嘅問題嘅，要睇吓啲嘢食，值定唔值囉！最後都係叫咗焗嘢，焗芝士肉醬意粉，諗住一定穩陣啦，點知都唔使5分鐘就上咗嚟啦，有冇焗到㗎？一啖食落去，點解會有渣嘅？仲有啲筋嘅物質，於是乎睇真啲，原來係牛腩啲筋，咬唔爛嗰部份，我妖呀！竟然用賣唔晒嘅牛腩剁碎做肉醬，再嚟啲意粉一食落去，冇咬口不特止即刻溶嘅，煮到過晒火喉，杯奶茶就更加唔使講啦，剩係得奶味冇茶味，零分😅⚠️咁都唔執笠，因為開係屋村位，難為晒啲太和邨民了😵‍💫