生記粥品專家

Open Now

Now Closed

雖然上環有好多生記粥麵，但係我都係第一次嚟。我初時諗住食牛腩麵，但係大少話生記最出名食粥，咁我梗係嗌粥吖。我叫咗我自己最鍾意食嘅及第粥，大少嗌左魚腩粥。真係不得了，睇吓啲料多到滿瀉咁滯，都只不過係$48。真係比起中上環好多粥麵店抵食。碗粥真係唔差，及第粥應該有嘅料佢差唔多全部有晒，豬心，粉腸，豬肉丸，豬潤，係冇豬腰。不過有咁多料，少咗豬腰都冇所謂啦。平時晏晝食粥會好快肚餓，我第一次食粥可以飽足成個下午。大少嗰個魚腩粥，啲魚腩都係多到滿瀉。雖然我唔記得影相，但應該大家都image 到係點樣。