印度野

Open Now

Now Closed

因為睇完套音樂劇話有優惠，所以特登去試下，入去商場搵咗陣先揾到，坐位比較少，間鋪望少夾攝，但食物一上枱，彷彿去咗間靚餐廳。首先啲碗碟幾靚。叫咗個奶油咖喱魚同香料咖喱牛舌，兩個都$62，肉嘅份量比出面平時嘅多，亦好好食。奶油咖哩酸酸甜甜好正好香，我個friend唔太食辣都食唔停口。+$15配咗個奶油薄餅同蒜蓉薄餅，蒜蓉薄餅比較厚身，香厚軟淋，奶油薄餅比較薄同煙靭，第一次食呢種口感，覺得都係厚身嘅啱點醬多啲。+$15 叫個mango lasi，係少少偏甜同唔夠凍之外，真係好好飲，覺得係真材實料。最後加點咗個炸乳酪$42，可惜啲咖喱太好食，成口都係creamy咖哩同lasi香味，我食唔到咩味。真係冇諗過間野望落咁普通但啲野好食又抵食，姐姐招呼又好人，所以要獻出我第一個食評讚下間嘢。