Video
Read full review
2020-05-07
104 views
尋日同阿媽出開去九龍灣諗住話行下街，睇下野，睇下有咩買，之後係megabox搵下有咩好食，發現到呢間，其實我係屋企附近有食過呢間，不過每次去食都係晚餐，今次諗住睇下九龍灣呢間同之前食開既有咩吾同，睇下午餐有咩好食先~打開午餐餐牌，其實同晚餐最大吾同好似係午餐有套餐，晚餐全部逐份叫，連飲品都係單點，午餐就連埋野飲，特飲果d就再要加錢，但都比晚餐既單點平。呢間餐廳係要加一既，午餐晚餐都一樣要加一，雖然係貴一點點，但係我都係覺得抵既，因為服務態度會比較好，同埋真心好食。講返下我最鐘意食既喇沙，佢既喇沙係兩種粉麵一齊上既，有油麵同埋米粉，米粉吸味，油麵飽肚，一碗粉有兩種享受，我地叫既係mee 喇沙，一睇就係招牌，做得招牌正常黎講係最好食，最好賣既，的確係好好味，好夠味道，我好鍾意佢個喇沙湯底，真係辣得黎又爽，味道一流。加上吸味既豆卜那些，海鮮啊～食落真係回味~另外我地仲叫左個海南雞飯，因為佢間鋪其實下面有一行細字寫海南雞飯專門店，呢個應該都係佢哋既拿手菜吧～食落雞件係幾滑嫩，醬汁都吾錯，我食到最後計果幾條青瓜都沾著汁食埋，食落爽口，又好味。旁邊有少少酸蘿蔔，食落都幾開胃好味，雖然我媽話佢個蘿蔔
打開午餐餐牌，其實同晚餐最大吾同好似係午餐有套餐，晚餐全部逐份叫，連飲品都係單點，午餐就連埋野飲，特飲果d就再要加錢，但都比晚餐既單點平。呢間餐廳係要加一既，午餐晚餐都一樣要加一，雖然係貴一點點，但係我都係覺得抵既，因為服務態度會比較好，同埋真心好食。講返下我最鐘意食既喇沙，佢既喇沙係兩種粉麵一齊上既，有油麵同埋米粉，米粉吸味，油麵飽肚，一碗粉有兩種享受，我地叫既係mee 喇沙，一睇就係招牌，做得招牌正常黎講係最好食，最好賣既，的確係好好味，好夠味道，我好鍾意佢個喇沙湯底，真係辣得黎又爽，味道一流。加上吸味既豆卜那些，海鮮啊～食落真係回味~
另外我地仲叫左個海南雞飯，因為佢間鋪其實下面有一行細字寫海南雞飯專門店，呢個應該都係佢哋既拿手菜吧～食落雞件係幾滑嫩，醬汁都吾錯，我食到最後計果幾條青瓜都沾著汁食埋，食落爽口，又好味。旁邊有少少酸蘿蔔，食落都幾開胃好味，雖然我媽話佢個蘿蔔好酸個菜心煮得剛剛好，就是爽口脆度都有既，不過比我們自己煮既時候會顯得略生，個湯個冬瓜湯，好岩依家夏天飲，個飯一食就食得出係有用雞湯煮既，可能係為左符合現代人健康既概念，因為我之前食開既海南雞飯係雞油飯，食落會比較香口。兩者比較我會比較想食雞油飯，如果有得簡就更好了~
飲品方面我就叫左個泰式奶茶，凍飲加2蚊，我覺得好抵啊～出而買泰式奶茶起碼都20幾起跳，仲要吾係到到都有得賣泰式奶茶，吾知佢飲品做吾做外賣呢～如果做外賣我都會想買泰式奶茶啊～話說我見到佢地呢排外賣自取有8折仲免加一，其實都幾吸引，等我下次試下外賣同堂食既分別先~我媽叫既芝士奶蓋黑糖珍珠鮮奶就略顯失色，芝士奶蓋吾係好飲得出黎，黑糖味道也吾係好突出~珍珠一般般，下次叫她試過第2樣飲品，希望會同我杯泰式奶茶一樣好飲~
Post
