喇沙王 (Closed)

喇沙王又係一間我想去試既鋪頭. 今個星期黎左兩次.其實d 飯類比較吸引d , 但係話明"喇沙王"唔係唔食喇沙呀嘛...所以第一次就叫左個豬頸肉喇沙配銀針粉, 加埋凍飲$36 好似...碗野望落去好似得好少. 只剛剛夠飽.太耐冇食喇沙, 所以都唔記得通常係配咩粉.銀針粉都不失為一個好配搭. 銀針粉唔會過林. 用匙羹一不有粉又有喇沙湯喇沙湯味好濃, 有點似咖喱味, 但較甜一點. 但就冇乜椰汁味. 我都唔太好椰汁, 所以冇乜關係.只係少辣. 味道唔錯豬頸肉夠爽而大片.配料仲有豆卜同雞蛋半隻. 豆卜索晒湯, 都ok.第二日再黎就叫左個沙嗲炸魚黃薑飯第一口食左啖之後個反應就係... 凍既...d 汁係凍, d 飯都係凍d 沙嗲汁係雪完冇煮過o個隻凍, 對我來說凍汁有點奇怪, 仲要用黎撈飯...至於味道. 偏濃烈同偏鹹. 唔太好味.黃薑飯好似仲差過d 白飯咁, 白飯睇起上黎都粒粒分明. 但黃薑飯就偏林黐埋一齊, 落得多水了.味道亦冇咩特別. 冇黃薑味. 唔通整d 色水就可以想像係d 咩味黎.塊炸魚就真係鮮炸, 好熱好辣口. 夠脆但好油. 令身的魚塊.開頭抱有憧憬既一個飯, 但倒頭來卻轉來失望.喇沙