旅鍋火鍋私房菜專門店 (Closed)

今日來呢間好特別嘅餐廳食晚餐，喺一間用旅行來做主題嘅餐廳，一入到去真係好似去咗機場咁。除咗打卡好之外，食物都非常不錯！✈️環球鴛騺鍋，麻辣同埋羊肚菌口味，個湯底好濃郁，味道香辣微微甜，夠味但唔會太辣，另一面又有羊肚菌嘅香氣同口感，真係令人回味無窮。🤤加拿大鴛鶯雙蚌，蚌好鮮甜，脆口彈口，非常新鮮。鮮鳳閣雙飛，白鱔片好滑嫩，脆肉鯇係脆身鮮甜，好好味！師傅處理得亦都好好，刀工不錯，每一舊都差唔多大細。🫡風颶三俠，雞肉滑好滑，蝦滑同墨魚滑都好鮮甜， 好食。而且份量十足。海棠春蔬，蔬菜新鮮，色彩鮮豔，口感爽脆。呢度既食物都非常好味，湯底鮮美，配料新鮮，每一份都有佢哋獨特嘅風味，值得一試！