Video
Read full review
2021-12-29
1277 views
之前成日行經水坑口街嘅「越蘆越南牛肉粉」，但都無乜興趣幫襯，因為覺得佢係連鎖店🙈。不過呢晚趕時間，唔得閒慢慢揀食乜，就決定一於入去試吓，反正簡簡單單又一餐。呢度環境幾舒服，卡位好坐，而且整體算幾乾淨企理👍。另一邊廂，我睇完餐牌後亦對餐廳有所改觀，皆因佢提供嘅菜式選擇繁多，甚至乎有一啲幾特別嘅菜式，例如鴨仔蛋同會安蕃茄檬粉。我同朋友一人叫咗一個主食，再加小食同甜品，估唔到食物份量咁驚人😱，食完飽到一個點。雖然食物定價稍高，但真係畀足嘢你食！家鄉豬腩肉丸伴檬粉($138)，嗌佢主要係因為想試吓啲豬肉類菜式🐷，呢款有兩味就啱晒！第一款係烤手工檳榔肉丸，肉丸質感偏淋身，並非爽彈嗰類，而且味道特別，加入咗黑椒吊味，另外亦附有軟骨粒粒以添口感。第二款係河內烤豬五花，豬腩大大片，肥瘦適中唔乾身，有一定厚度兼咬口，並滲透出啖啖香茅味😋。菜式無論餸定麵都好多，檬粉雖然大堆頭，但無漿成一餅，倒魚露撈嚟食幾惹味，🌶不過辣度都唔野小。生牛肉牛腩片牛肉丸湯河($86)，🐮牛三寶Pho係穩陣地好食。湯底幾濃郁，又唔油，飲完唔覺口乾，證明應該唔重味精🤤。河粉幾滑，唔碎濕濕，連埋洋蔥、芽菜同香花菜一齊食，口味正宗。三
之前成日行經水坑口街嘅「越蘆越南牛肉粉」，但都無乜興趣幫襯，因為覺得佢係連鎖店🙈。不過呢晚趕時間，唔得閒慢慢揀食乜，就決定一於入去試吓，反正簡簡單單又一餐。
呢度環境幾舒服，卡位好坐，而且整體算幾乾淨企理👍。另一邊廂，我睇完餐牌後亦對餐廳有所改觀，皆因佢提供嘅菜式選擇繁多，甚至乎有一啲幾特別嘅菜式，例如鴨仔蛋同會安蕃茄檬粉。
我同朋友一人叫咗一個主食，再加小食同甜品，估唔到食物份量咁驚人😱，食完飽到一個點。雖然食物定價稍高，但真係畀足嘢你食！
家鄉豬腩肉丸伴檬粉
$138
34 views
0 likes
0 comments
家鄉豬腩肉丸伴檬粉($138)，嗌佢主要係因為想試吓啲豬肉類菜式🐷，呢款有兩味就啱晒！第一款係烤手工檳榔肉丸，肉丸質感偏淋身，並非爽彈嗰類，而且味道特別，加入咗黑椒吊味，另外亦附有軟骨粒粒以添口感。第二款係河內烤豬五花，豬腩大大片，肥瘦適中唔乾身，有一定厚度兼咬口，並滲透出啖啖香茅味😋。菜式無論餸定麵都好多，檬粉雖然大堆頭，但無漿成一餅，倒魚露撈嚟食幾惹味，🌶不過辣度都唔野小。
生牛肉牛腩片牛肉丸湯河
$86
21 views
0 likes
0 comments
生牛肉牛腩片牛肉丸湯河($86)，🐮牛三寶Pho係穩陣地好食。湯底幾濃郁，又唔油，飲完唔覺口乾，證明應該唔重味精🤤。河粉幾滑，唔碎濕濕，連埋洋蔥、芽菜同香花菜一齊食，口味正宗。三款牛都好味道，🥩生牛片肉質細嫩，並非劣質肥牛；牛腩牛味突出，而牛丸就Q彈多汁，係傳說中可以拎去打乒乓波嗰種咁彈。
馬拉盞炒通菜($72)，通菜炒到成座山咁高💚，老實講佢分兩碟賣都唔過份。通菜嫩綠，菜莖爽脆，但口味偏淡，佢無預期中嘅馬拉盞鹹香。不過換句話講，佢亦無咁重口味。
自家椰青糕
$28
27 views
0 likes
0 comments
總括嚟講，越蘆係讓人喜出望外嘅越南餐廳🇻🇳😎，未試過真係唔知佢水準都幾高。餐廳仲有提供好多特色菜，下次可以帶埋屋企人嚟幫襯，試多幾味。最後，店員們服務有禮，抵讚。
Post
