壽司藝 (Closed)

上星期朋友黎香港玩，朋友想試下Omakase，最後訂左呢間壽司藝 一入到店內～日式裝修感覺舒服乾淨 有另外訂左生蠔，都幾大隻同鮮甜爽口。海膽大大篤，好鮮甜👍🏻 但比較驚喜，不得不提佢地既醬油漬中拖羅。（個人非常鍾意食各種吞拿，但拖羅又略嫌太heavy） 中拖羅肉質介乎於赤身與大拖羅之間，魚味比大拖羅突出，口感比赤身軟滑，油脂適中、筋少所以亦有入口溶化感覺 醬油漬過所以唔需要再沾醬料～可以直接食。師傅亦細心講解因為經過醃製，除左令魚本身鮮味完全保留之外，更帶一份醬油既鹹香😋😋味道&口感岩岩好 所有食材都非常新鮮，整體好滿意，不過基本上食得Omakase價錢都較高，如果想輕鬆試一試不妨考慮佢地Lunch set