一期一會· 尋味 (Closed)

今日去觀塘工作關係，要到附近工厦區買外賣，發現有間食日式便當嘅餐廳叫一期一會.尋味，就專程去試下。今次order左吉列豬扒定食、醬燒牛肉定食、京蔥牛舌定食，小食有照燒芝麻雞翼、櫻花蝦餅、燒雞泡魚乾、溏心蛋、韓式辣蟹仔及蟹肉忌廉薯餅，飲品有朱古力特飲及抹茶特飲。每款定食都有蘿蔔絲同酸蘿蔔，而吉列豬扒外脆內軟、 醬燒牛肉好入味又柔軟、 京蔥牛舌好香口夠惹味，每款定食好有日式風味。小食方面， 櫻花蝦餅及蟹肉忌廉薯餅甘香可口又熱炙炙， 照燒芝麻雞翼就醬汁滲晒入嫩滑雞肉，好味！溏心蛋同樣入味，燒雞泡魚乾同埋韓式辣蟹仔就好有日式及韓式風味。