雲龍軒

Open Now

Now Closed

入迪士尼staycation，好多餐廳都爆曬，無位食飯，三大一世唯有嗌外賣拎上房食。本身對於主題樂園酒店嘅餐廳真係冇乜expectation，所以都係隨便嗌幾樣野填飽個肚就算。我哋叫咗涼拌麻辣雞絲粉皮，蜜汁叉燒，黑松露花膠蟹肉羹(一人份量)，宮保雞丁，方宇蒜香炒青菜，櫻花蝦了三粒炒飯，同兩個白飯，因為諗住佢個份量會好少，所以我哋嗌左咁多野。返到房打開食物，真係有驚喜，原來份量一啲都唔少，所以我哋係叫得太多野，最終食唔晒，可以留返啲做宵夜。先講食物，麻辣雞絲粉皮味道係OK嘅，但係就唔覺有麻辣，可能係因為主題公園餐廳，唔會做得太辣，適合一家大細。黑松露花膠蟹肉湯羹都幾好味，只係價錢貴咗啲。宮保雞丁非常美味，甜甜辣辣咁，亦都係少少辣。方宇蒜香炒青菜正常水準，櫻花蝦廖心鴨粒炒飯係幾好食，份量亦都唔細。至於叉燒，味道係OK，但係叉燒實在太瘦，好銀，最鍾意食叉燒嘅小朋友都唔識。最後值得一讚嘅係接單嘅waitress，佢提我地可以用酒店嘅優惠券，每$500減$100 ，佢見我差少少就到$1000 ，所以提醒我，令到我可以慳多啲，值得一讚。