Video
Read full review
2009-07-08
194 views
之前都見過幾次有人上黎送呢間餐廳既brochure, 可惜早期既價錢的確貴得唔吸引最近佢又再派, 今次有埋外賣coupon, 仲有set lunch, 見價錢平左d喎, 就去試下喇!先講裝修的確非常有設計, 好明顯老闆係個好鐘意舒服既人門面唔算大, 但入面好大, 分外室同內室而家天氣熱, 外室就會熱少少, 不過有bar檯位約6-8張, 仲有餐檯沙發位約6-8位, 己經覺得唔錯內室更加舒服, 係fine dining既代表, 以木為主既設計, 連天花板既冷氣機都油左啡色2邊沙發係用類似藤既物料整既, 坐得好舒服身後既牆有部份係茶色既acrylic膠, 感覺高級d, 另一部份木製雕刻, 有柔光係後面打上黎整體燈光暗暗地, 好舒服 12點幾去到, 一個人都無, 得1個泰國女仔招呼我地一坐低就俾menu我地睇, 仲即時問我地係咪打算order set lunch, 如果係既就先俾餐飲既lime soda我地, 非常好既服務態度就連我地3個都一齊叫海南雞飯時, 佢都笑笑口問我地點解唔點3樣野可以一齊share仲要無hard sell, 完全客人自主, 好有禮貌! lime soda上得好快, 味
最近佢又再派, 今次有埋外賣coupon, 仲有set lunch, 見價錢平左d喎, 就去試下喇!
先講裝修
的確非常有設計, 好明顯老闆係個好鐘意舒服既人
門面唔算大, 但入面好大, 分外室同內室
而家天氣熱, 外室就會熱少少, 不過有bar檯位約6-8張, 仲有餐檯沙發位約6-8位, 己經覺得唔錯
內室更加舒服, 係fine dining既代表, 以木為主既設計, 連天花板既冷氣機都油左啡色
2邊沙發係用類似藤既物料整既, 坐得好舒服
身後既牆有部份係茶色既acrylic膠, 感覺高級d, 另一部份木製雕刻, 有柔光係後面打上黎
整體燈光暗暗地, 好舒服
12點幾去到, 一個人都無, 得1個泰國女仔招呼我地
一坐低就俾menu我地睇, 仲即時問我地係咪打算order set lunch, 如果係既就先俾餐飲既lime soda我地, 非常好既服務態度
就連我地3個都一齊叫海南雞飯時, 佢都笑笑口問我地點解唔點3樣野可以一齊share
仲要無hard sell, 完全客人自主, 好有禮貌!
lime soda上得好快, 味道唔會太甜, 佢仲走埋黎問我地唔夠甜可以再加d糖水
不過等野食就真係需要d時間, 我諗都大約等左15-20分鐘
一見野食到, 即刻覺得等咁耐都抵!!
海南雞全部雞胸肉, 未至於白切雞咁嫩, 不過已經整得好靚, 有雞味
碗飯係雞油飯, 濕度剛剛好, 而且份量唔多, 我好細食都食得晒成碗!
飯旁邊有碗細d既湯, 其實好重味, 雖然有幾塊瓜係入面, 初時以為係味精湯, 不過下午返office又唔覺太口渴...可能純粹重味吧...
佢仲俾左一碟3格既醬我地一人一碟~薑蓉, 甜辣醬, 仲有個黑黑地色既唔知咩黎既甜醬
薑蓉真係切到勁勁勁蓉, 好厲害!
總括而言呢一餐非常好!
環境、服務、食物都一流!
見佢都有其他menu可以叫, 下次一定會再黎試!!
p.s. 佢有ladies night, 晚晚都係~HAHA!
Post
