Pancake House HoiHoi (Megabox) (Closed)

自從返九龍灣lunch成日經過Megabox既【HoiHoi Pancake House】就好想試，不過lunch time真係好多人，所以打消左呢個念頭。最近放下午，所以終於有機會試下。因爲一心想試下佢地最出名既梳乎厘pancake，所以鹹點就叫左個素食、無禁heavy。 HoiHoi Veggie All Day Breakfast：包括素豬柳、素蟹餅、黑松露炒蛋、蘑菇、番茄、茄汁豆、沙律菜。沙律菜好新鮮、搭配酸酸微辣沙律汁好開胃，番茄好juicy又唔會太酸，蘑菇加左D herbs不錯又好juicy，黑松露炒蛋都炒得幾creamy，素豬柳、素蟹餅都ok，素豬柳食唔太出係大豆肉、但素蟹餅就比較明顯。整體都非常不錯。 南瓜梳乎厘Pancake：大概要等25分鐘，有兩塊pancake。好鬆化、軟綿綿。南瓜cream好濃、但又唔會太heavy。但個人覺得pancake偏甜會有少少蓋過南瓜cream既味道。不過整體都不錯。 特濃藍莓果茶：酸酸甜甜既果茶、配pancake一流。