金記冰室 (Closed)

週末郊遊樂，今朝同一班朋友一行6人行完摩星嶺後，返去堅尼地城嗰頭搵食，時間係下午一點幾又未到兩點，時間有d尷尬(介乎午餐至下午茶餐之間的時間)，好肚餓嘅關係，等唔到平少少嘅下午茶就入去嚕。平時喺香港各區行街都會見到金記，不過入去食都係第一次。入到去等咗5-10分鐘左右就有位，期間有位姓陳的女職員好有禮貌咁為我哋介紹同話唔好意思要我地久等。（我諗過會咁好招呼)坐了張大圓枱，大家各有各叫自己嘅食物。豬潤米粉不錯，沙嗲牛肉好食！其他食物味道不過在失。杯凍檸茶雖然要加$3，有5塊厚切檸檬片！P.S.有段小就係塊多士上面有隻扁咗嘅大蚊。好彩店員話換就真係更換成份俾我！