8鍋臭臭鍋 (金巴利道) (Closed)

最近係尖沙咀staycation，去到夜晚想食宵夜既時候，發覺身邊既鋪頭都關得七七八八，係呢個時候就發現左臭臭鍋仲未關門，決定試一試佢，上網睇先知原來係來自台灣，係香港仲有兩間分店，餐廳主要係以一人一鍋既形式。佢每款鍋物既配菜都唔同，有好多選擇提供，而且覺得份量唔夠既，仲可以加錢自選其他食物，另外佢每個套餐都可以選擇要滷肉飯/科學麵/白飯/粉絲，但前者兩樣都要額外加$10。(香蒜牛肉鍋)-95$  (豬肉片)-42$今次我就選擇左香蒜牛肉鍋，另外再加左一份豬肉片，入面既配菜形形式式，可以令你試到好多唔同既食材，鍋既湯汁濃郁，而且仲可以揀唔同既辣度，娃娃菜同栗米吸哂啲湯汁，食落好惹味，而且牛肉份量好多，原本仲擔心肉太少先另外加豬肉，但發覺原來係唔需要既，因為佢係一人鍋形式，所以各樣食材比既份量偏少，假如想同另一半share既，最好就額外加啲野食，但整體感覺好好，絕對會再試下其他唔同鍋物。