Video
Read full review
2023-07-25
1018 views
筲箕灣東大街向來都好出名，好多出名既食肆，唔同國家既美食都有!今日放工就去左呢一間食烏冬好出名既八沢!當日係平日6:30 左右都有7成滿，似乎街坊都會黎呢度食，好多人都係2個人黎食下串燒,傾下計。呢間小店好有feel，內部裝潢係日本小型居酒屋的感覺，環境好舒服，燈光微暗，又無限用餐時間，好岩deep chat。我地兩個人所以叫得2個main~✿《黑松露忌廉海鮮烏冬$98》(★4.5/5)佢最出名嘅就係「黑松露忌廉海鮮烏冬」，係本店連續11年銷量第一位! 一上菜果陣，D忌廉香味就飄散，香噴噴，湯底係以忌廉為主，奶味好重，成個湯底都係奶白色，唔算好濃稠黏糊，所以濃而不膩，而且加左少量香草同大量黑松露! 黑松露俾得好闊綽! 除左湯底好正，佢D烏冬煮得岩岩好，口感好好，滑溜溜! 但唔會好掛麵，要一啖湯加D烏冬咁食~而海鮮方面都係好食，兩隻既帶子及兩塊三文魚!帶子相對上好食! 唔會過老，好鮮嫩，但三文魚相對普通。雖然湯好creamy 唔算太膩，但係一個人食曬成碗都會膩，最好都係同人share 會好D!✿《廣島蠔肉碎烏冬 $ 88》(★4.5/5)見佢都係好多人推介，所以叫左黎試下佢!! 估佢唔到
今日放工就去左呢一間食烏冬好出名既八沢!
當日係平日6:30 左右都有7成滿，似乎街坊都會黎呢度食，好多人都係2個人黎食下串燒,傾下計。呢間小店好有feel，內部裝潢係日本小型居酒屋的感覺，環境好舒服，燈光微暗，又無限用餐時間，好岩deep chat。
我地兩個人所以叫得2個main~
✿《黑松露忌廉海鮮烏冬$98》(★4.5/5)
佢最出名嘅就係「黑松露忌廉海鮮烏冬」，係本店連續11年銷量第一位! 一上菜果陣，D忌廉香味就飄散，香噴噴，湯底係以忌廉為主，奶味好重，成個湯底都係奶白色，唔算好濃稠黏糊，所以濃而不膩，而且加左少量香草同大量黑松露! 黑松露俾得好闊綽!
除左湯底好正，佢D烏冬煮得岩岩好，口感好好，滑溜溜! 但唔會好掛麵，要一啖湯加D烏冬咁食~
黑松露忌廉海鮮烏冬
$98
31 views
0 likes
0 comments
而海鮮方面都係好食，兩隻既帶子及兩塊三文魚!帶子相對上好食! 唔會過老，好鮮嫩，但三文魚相對普通。
黑松露忌廉海鮮烏冬
$98
27 views
0 likes
0 comments
雖然湯好creamy 唔算太膩，但係一個人食曬成碗都會膩，最好都係同人share 會好D!
✿《廣島蠔肉碎烏冬 $ 88》(★4.5/5)
見佢都係好多人推介，所以叫左黎試下佢!! 估佢唔到咁好食味!! 湯底清甜又有濃厚既蠔香同昆布味! 我地差唔多飲曬佢成碗湯
廣島蠔肉碎烏冬
$88
222 views
2 likes
0 comments
而且有三隻好大隻又好creamy既廣島蠔!
烚得岩岩好，食落好似食生蠔咁，好滑又creamy!時間掌握得好! 當然同上面一樣，烏冬煮得岩岩好，口感好好
廣島蠔肉碎烏冬
$88
38 views
0 likes
0 comments
呢碗相對又清甜又好味，我同男朋友一半黑松露忌廉海鮮烏冬 一半廣島蠔肉碎烏冬，岩岩好balance返
八沢 (筲箕灣東大街)
筲箕灣筲箕灣東大街59-99號東威大廈地下7號舖
味道：4.5/5
價錢💰：$100
回顧指數：95%
Post
