旺記冰室 (大本型) (Closed)

今日同朋友放工黎到油塘覓食，佢話想試下係facebook同instagram都好紅既旺記冰室，今次朋友帶隊，食下依間冰室！星期五晚上都頗多人去食，我地等左一陣位就有得入去食，店員仲安排左個睇到海景既位比我地，我地仲睇到好靚既日落同晚霞呀！！餐牌上面有飯餐同麵餐，我就叫左蝦仁牛肉滑蛋飯，加四蚊配薑汁奶茶。個飯餐其實係窩蛋牛肉飯既進化版，配以滑蛋、牛肉同蝦，加上煲仔飯鼓油。滑蛋非常滑，雖然係蛋餅狀，但口感好軟好滑。蝦係急凍但仍有蝦味，食得出有蒜味。另外，牛肉都頗軟，亦入味。成個進化版既窩蛋牛肉飯都好食！薑汁奶茶：從來未係茶餐廳飲過既配搭，野飲聞落已經好重薑味，飲落似薑茶，杯底有好多薑粒，驅寒一流。這間餐廳質數幾高，是一頓喜出望外的晚餐。