Ricco (Closed)

今晚同朋友聚舊，去咗長沙灣一間餐廳食晚飯， 餐廳位置旺中帶靜， 鄰近長沙灣港鐵站， 一到步就畀門口大字等你很久了所吸引。 餐廳裝修簡約清新，餐廳都算幾旺場， 都有幾多外賣同堂食顧客。我哋叫咗兩個主菜, 一款小食同兩杯飲品。黑松露忌廉芝士雜菜炒魚柳意粉 $75食物一上檯，黑松露同芝士味撲鼻而來， 魚柳好大塊， 三者配合得天衣無縫回味無窮。黑松露海鲜意粉 $78本身叫羅勒青醬海鮮意粉但由於太好賣， 已經沽清，店方於是改以黑松露抄海鮮意粉， 意粉賣相相當美觀， 顏色相當豐富，海鮮種類及份量十足， 有三文魚、蟹子、魚餅、大蝦， 完全能滿足海鮮控嘅胃口。小食拼盤（ 炸魚薯條/脆樂鷄/雞翼) $68炸薯條絕對拋離某大型連鎖快餐店, 薯條 薯仔味十足,而且相當粗大, 加上店家自製嘅蕃茄醬, 非常好味。炸脆雞類似大型連鎖店嘅麥樂雞，同樣係將雞塊炸脆， 入口爽脆可口。炸雞翼爽脆可口,而且數量頗多, 物有所值。蘑菇湯 $15蘑菇湯有濃郁嘅蘑菇香味， 湯鋪面滿蘑菇粒，相當有口感。