無名拉麵 (Closed)

之前每次經過蘭桂芳都會見到依間拉麵店，每次都想試下，終於響前晚星期六有機會一試，果晚約9點入座，唔使等位。我同朋友專程來試比較特色的拉麵，即豚肉蟹湯拉麵($85)，和豚肉蝦湯拉麵($80)我果碗蟹湯拉麵，個湯底的蟹味好出而唔係好濃味，真係無得輸。之後，我再試埋朋友的蝦湯拉麵湯底，深啡黑色的湯，加上好多細細粒蝦仔，蝦味好出而又好濃，值得一提，蝦湯拉麵的面底都係深啡色，好入味，個麵底本身都做左好多功夫。而另外，兩個麵的豚肉都幾厚而好“林“, 但不過我都係鐘意食叉燒多d最後，個麵賣相好似好細咁，但其實食完又真係好飽。差唔多食完時，見到隔離枱的虎蝦拉麵，簡直呆左，隻蝦好大隻，而且賣相好靚，下次試下值得一提，服務都唔錯，仲會經常主動加水。個人覺得無論價錢，味道，服務，座位環境，等位時間都比好多有名的拉麵店好。始終現時中環和銅鑼灣既有的名牌拉麵店太多客，唔憂做，可能因而服務同品質都今時唔同往日。希望依間無名拉麵店能繼續保持水準喇。