糖室 (Closed)

本身係附近食野行過，點知一見到依間野就好想入，因為裝修真係好特別，入面d傢俬好多都木造，望落好舒服！重點係，冷氣好夠，哈哈，因為出面好熱所以依樣好重要！依個牌超靚，忍唔住影低左！仲有依個光管牌都好cyber！我同朋友叫左兩樣野，都係40蚊一樣倒，exactly幾多錢唔記得左，不過真心唔貴以依個質素同環境。依個真係要必試！豆腐花！我第一次食咁滑咁香既豆花！佢得熱，本身仲怕太熱，但好彩叫熱炸，因為我肯定凍一定唔會咁滑。佢係擺入口唔會有一粒粒唔會有渣個隻，似係布甸個隻咁 仲要成個小木桶俾我地食，超多，好抵食！重點係佢係配焦糖醬同黃糖，真係超夾，由其個焦糖醬，我估佢入面有黑糖？唔太肯定，但加入豆花真係好香好滑！仲有個梳芙里，又係估唔到咁好食，因為本身諗住去d山卡啦地方食西式甜品都唔會太有期望。但又係好好食，佢空氣感好強，但擺入口又唔會係冇野入口個隻，都仲有好多cream咁，個蛋味好重，唔會太甜，超鍾意。我絕對會為左個豆腐花再去多次！