Video
Read full review
2009-01-24
15 views
我由幾年開始就去左外國讀書留係香港既屋企就住係大圍今次返黎都隔左幾年lu其實每次返到黎香港(大圍)都見到好多新既餐廳但係我會先選擇舊有既餐廳岩岩今晚落左去大圍僅有既商場見到多左間吉野家個商場又多間快餐就黎變左快餐商場咁可能本人不太喜歡快餐店見到有間日本料理超開心本來今晚得自已一個人食晚飯諗都冇諗我就入左去入到去坐左個窗口位一睇餐牌嘩~晚餐黎講都確實係好多選擇呢樣又想食、果樣又想食即刻急call屋企人返黎黎一齊食好在佢地岩 岩收工係付近三個人可以食好多好多野坐係到等屋企人既時候諗諗下依稀記得以前仲係香港讀書既時候lunch會同同學仔去食學生餐記得好平仲抱住個肚走望真d個餐牌有點奇怪大果個餐牌就寫住"三和"但係其他餐牌就"寶田"個應該係經理可能見我坐得耐，主動行左埋黎問我未人齊喎，使唔使叫d小食食住先呀我就答佢太多選擇喇，等埋屋企人先丫我順便多口問左句，呢間野點解有兩個名既…而家新名叫""寶田""野食同餐牌我地都唔會有好大既轉變因為呢到既街坊都食左幾年唔問真係就唔知，佢同我講岩岩一月一號轉左佢就話咁你睇下先啦，有咩需要可以直接搵番我雖然佢好簡單咁同我交談左兩句但係感覺好親切...唔會覺得佢
留係香港既屋企就住係大圍
今次返黎都隔左幾年lu
其實每次返到黎香港(大圍)
都見到好多新既餐廳
但係我會先選擇舊有既餐廳
岩岩今晚落左去大圍僅有既商場
見到多左間吉野家
個商場又多間快餐
就黎變左快餐商場咁
可能本人不太喜歡快餐店
見到有間日本料理超開心
本來今晚得自已一個人食晚飯
諗都冇諗我就入左去
入到去坐左個窗口位
一睇餐牌
嘩~晚餐黎講都確實係好多選擇
呢樣又想食、果樣又想食
即刻急call屋企人返黎黎一齊食
好在佢地岩 岩收工係付近
三個人可以食好多好多野
坐係到等屋企人既時候
諗諗下依稀記得以前仲係香港讀書既時候
lunch會同同學仔去食學生餐
記得好平仲抱住個肚走
望真d個餐牌有點奇怪
大果個餐牌就寫住"三和"但係其他餐牌就"寶田"
個應該係經理可能見我坐得耐，主動行左埋黎問我
未人齊喎，使唔使叫d小食食住先呀
我就答佢太多選擇喇，等埋屋企人先丫
我順便多口問左句，呢間野點解有兩個名既…而家新名叫""寶田""
野食同餐牌我地都唔會有好大既轉變
因為呢到既街坊都食左幾年
唔問真係就唔知，佢同我講岩岩一月一號轉左
佢就話咁你睇下先啦，有咩需要可以直接搵番我
雖然佢好簡單咁同我交談左兩句
但係感覺好親切...唔會覺得佢好hardsell 之後拎左兩個黑板放係我個位隔離
原來佢地每日既特價既食物同每日新鮮運到既魚生刺身寫係到
我覺得呢個手法幾特別
因為果兩個黑板都有十幾款如果佢地係每個介紹
我都唔會記得...不過有d黑板係隔離..好搞笑
唉......屋企人終於到喇...等左成半個鐘
已經勁肚餓喇
當然點菜係由我決定
諗住搵番個哥哥仔黎落單
點知原來佢已經企左的係我後面問我
點呢...諗到食野未呢
諗唔到的話，不如我幫你決定啦
我先幫你地三位order個刺身拼盆，好嘛，每款有三切，送埋海膽添
我心想...都算係返到黎香港同屋企人第一餐晚飯，今晚我請客啦，食豪d啦
好，要一個啦!!
真係幾細心啵.....佢話:個拼盆需時制作、生既野應該食左先，立刻幫你落左先!!
刺身之後佢建議我地試吞拿魚沙律,好多客都讚不絕口
不過我食拼盆就唔食吞拿魚沙律lu..最後揀左炸軟殼蟹沙律
之後就仲有牛柳粒、燒茄子、帶子燒、什錦天婦羅、燒生蠔、炒烏冬！
其實自已都的知道order得太多，唔怕可以打包俾細佬食!!
先講個刺身拼盆$168直頭超值~六款每款有三片送海膽，上檯果陣真係有d唔捨得食，一大盆刺身做既風景咁!!唔掛得要需時制作，好在呢幾日岩岩返到黎香港，我都會隨身帶住相機，相機仲要係新買，今次大派用場
大家可以睇下我影既相，食物既賣相同我影相既技術都咁好
炸軟殼蟹沙律 $58 份量有大細之分，我選擇左細，原來用蟹籽沙律做底，上面加左隻炸左既軟殼蟹同樣賣相好靚好吸引，顏色配合得好好，一個沙律食到兩樣野,Good
牛柳粒 不過不失啦...好香蒜味
燒茄子 用一個長長既碟盛裝住有四小舊當小食份量岩岩好
帶子燒 用原隻連殼既帶子，酸醱地既沙律醬燒，好香口！
天婦羅 炸得好乾爽，唔似我係外國食咁，外國果d好硬好似炸完又炸咁
半殼蠔黃金燒 呢個就差左小小喇，話明半殼蠔..但係變左做錫紙蠔，冇殼就有d失望，味道就ok，但係如果用有殼既蠔個感覺會好好多，因為似番新鮮既蠔！
炒烏冬 餐牌本身冇架，落單果陣我同媽咪講好想食，個哥仔聽到，話雖然餐牌冇但我可以叫師傅做呢個order，佢仲問我有冇咩野唔食得，幾細心！
總括黎講整間餐館既出品都好平均，不錯不錯，服務也很貼身，離港前，我一定會再去呢！！
Post
