Okinawa Dining BRIDGES (Closed)

今日同幾位朋友去銅鑼灣食lunch, 搵到一幢叫cubus嘅大廈係開平道嘅，未去之前都知道呢幢大廈有好多食店，都知道呢度嘅消費一啲都唔平😓，但係今日老友聚會就豁出去啦，於是我地幾個就揀咗6樓嘅BRIDGES, 一入到間餐廳，嘩😨原來都好full,今次大鍋鳥...😱，我哋唯有同店員講我哋無訂位嘅，店員姐姐同我地講話要等等因為有張枱而家埋緊單，我哋趁呢個時候睇睇個menu先，（等佐10分鐘到）午市套餐價錢大概＄250到，因為時間嘅關係我已經諗到食D咩😎，我同其他兩位朋友就我order咗一個sushi set🍣, 另外一位就order佐和牛石燒餐🐃，sushi set 一上臺感覺很豐富, 魚嘅種類很多睇落D魚生很新鮮😍，如果以咁嘅價錢咁嘅質素其實都OK，我朋友嘅和牛石燒餐亦都很有氣勢😆，我哋聽啲店員講呢度嘅和牛原來響沖繩都好出名的，我朋友話啲和牛肉味非常之重入口即溶😋（總算無揀錯😁), 我地幾個朋友都食得好開心，因為呢度嘅款式實在太多了啦🙈，所以決定下次我哋聚會亦都嚟呢度啦！👍👍