Lanciano Ristorante (Closed)

今次路過呢間餐廳，老公話好多年都未食過，喺星期日晚飯時段大埔區正常嘅餐廳淪陷的情況下，我哋決定試下呢間餐廳。入到去，得一枱客，心諗唔知會唔會中伏，但嗰陣已經九點我同老公都唔想再等位，我哋俾個機會佢。打開餐牌，d dishes 係有d貴，例外意粉約200蚊碟，價錢嘅問題可能係無乜客嘅原因。我哋叫咗3樣嘢：1）水牛芝士蕃茄2）三文魚煙三文魚三文魚子長通粉3）海鮮pizza1）水牛芝士蕃茄老公話好好食，不過呢道菜係0難道，所以無分加2）三文魚煙三文魚三文魚子長通粉超好食，所有配料嘅味道都好夾，個汁溝得好好，濃得來唔會令人覺得heavy. 老公平時對飲食要求好高，佢都大讚！👍🏻👍🏻👍🏻3）海鮮pizza海鮮料好豐富，味道ok, 但看得出好有heart . 平時出面d 海鮮pizza 都唔多配料。呢度好足料！👍🏻👍🏻👍🏻我好多年都無出post, 真心覺得這間餐廳deserve 多d 客，所以出post 支持下佢。