有情有意 (Closed)

因為買左團購優惠，就同男朋友黎呢度試下好開心香港多左好多社企餐廳，好多都服務同食物質素並重。話說我地起初點餐時唔小心整跌左水杯，啲水整濕左地下同我條裙少少，有位帶眼鏡既女服務員見況就幫我地清理，仲好細心咁送上紙巾比我抺乾條裙，全程都面帶笑容。唔淨只佢，其他服務員都好有效率，點餐同上菜都好快好順。好喇，講下食物先。由於我地買既係all-you-can-eat 既優惠，所以食物都係細細碟咁上。特別推介佢地既黑松露蜜糖雞翼，凱薩沙拉同烤鴨胸肉黑松露味香濃，蜜配上香甜蜜糖，無得頂！凱薩沙拉好fresh，食左咁多肉要平衡返烤鴨胸肉好香口，好耐都無食過喇