EXODUS Cafe (勝利道) (Closed)

來支持吓新餐廳，裝修簡單，都幾大，可能新開張，午市人唔算多。今日得一位侍應睇全場，但佢好主動介紹菜單，又有禮貌。稍為麻煩係要自己剔紙仔落單，有幾頁紙咁多，有啲誇張。叫咗個韓式炸雞飯跟巴馬臣芝士醬，連餐前伴菜都有得四揀二。餐飲揀咗熱粟米茶。估唔到芝士炸雞飯好好食，炸雞香脆又多肉汁，好香雞味；芝士醬份量適中，亦都有芝士香；跟飯嘅沙律亦算新鮮。粟米茶原來用茶壺上，味道夠香濃。呢餐幾驚喜，會再來。另外，佢有個特別午餐，冇餐前伴菜，但比其他午餐價錢平少少，可以抵啲。