Video
Read full review
2006-05-30
10 views
在旺角油麻地交界的"神燈",屹立超過四十年,可話係整區歷史最悠久的酒家之一.計落條數,差不多六年無去,日前心思思想吃田雞扣同焗魚腸.於是促成此個半私人飯局.出場陣容,加埋我有九個食友.如非時間太倉拙,應該不止一打..大多食友也準時入席,飯店安排我們在另一邊房.之前來過數遍,心裏面大約已諗到菜單,問阿姐今日有無烏魚?)阿姐無.)阿姐不如要黃立倉啦.我唔使喇.),油浸烏魚,緣慳一面.可惜.響螺雞腳湯是此店招牌湯水之一,妹仔大過主人婆,材料多過湯水.幾個人勉可夠分.味道也鮮甜,有響螺有雞腳,好難會失手.椒鹽鮮魷也做得不錯,但惡男覺得一般.缽仔焗魚腸,賣相成個小火山,蛋面的油炸鬼若隱若現.亦有點似受到輻射的梳乎里.急不及待來一口,蛋夠香,魚腸味就唔多夠.味道亦略苦,比起年前來吃的水準,差左少少.希望只係一時之差.XO醬爆田雞扣,同之前吃過的雲勝田雞扣不同食味,田雞扣一隻田雞得一隻,單係呢樣已值回票價.逐隻田雞去解剖,你估唔洗功夫?田雞扣一碟起碼三幾十隻,口感很爽脆,加上XO醬的辣度,非常絕佳的下酒菜.當大家正在埋首搏鬥當中,是夜壽星仔熊貓兄突然現身,之前的推莊.是否又搞Gag?無論點,呢樣真係
大多食友也準時入席,飯店安排我們在另一邊房.之前來過數遍,心裏面大約已諗到菜單,問阿姐今日有無烏魚?)阿姐無.)阿姐不如要黃立倉啦.我唔使喇.),油浸烏魚,緣慳一面.可惜.
響螺雞腳湯是此店招牌湯水之一,妹仔大過主人婆,材料多過湯水.幾個人勉可夠分.味道也鮮甜,有響螺有雞腳,好難會失手.
椒鹽鮮魷也做得不錯,但惡男覺得一般.缽仔焗魚腸,賣相成個小火山,蛋面的油炸鬼若隱若現.亦有點似受到輻射的梳乎里.急不及待來一口,蛋夠香,魚腸味就唔多夠.味道亦略苦,比起年前來吃的水準,差左少少.希望只係一時之差.
XO醬爆田雞扣,同之前吃過的雲勝田雞扣不同食味,田雞扣一隻田雞得一隻,單係呢樣已值回票價.逐隻田雞去解剖,你估唔洗功夫?田雞扣一碟起碼三幾十隻,口感很爽脆,加上XO醬的辣度,非常絕佳的下酒菜.
當大家正在埋首搏鬥當中,是夜壽星仔熊貓兄突然現身,之前的推莊.是否又搞Gag?無論點,呢樣真係唔夠星爺黎.
學肥谷在食神的其中一個對白真係估你唔到!)
煎釀豆腐,無甚分別,真係用來間下場,一隊球隊十一個正選,並非每一個隊員也能獨當一面的.油爆田雞,食左田雞胃,應該連個玉身要吃埋,才能對田雞尊敬.
鮮魷炒牛骨髓,牛骨髓滑溜,本身無咩味.附加的莧茜魚片湯,很清甜.
再來椒鹽九肚魚同乳鴿兩隻,九肚魚甘黃香脆肉質嫩滑,乳鴿燒得皮脆肉嫩.等大家可送埋麵包超人之私伙紅同眾人之啤酒.
惡男突然借尿遁,幾個字後回來,竟然捧上一個生日蛋糕,真的有驚喜.本來一個懷舊飯局,演變成為一個生日飯局,非常高興.生日流流,當然要搵個食友送個Birthday kiss比主人家,當Glucose正在心大心細時,Jeff迅雷掩耳,已經..........吃左舊蛋糕面上的藍鯨魚,結果做左藍精靈,會否變得好勁就唔知喇.
呢餐飯局,無論氣氛,食物,人物,非常唔錯.有星爺在場搞下Gag,已是信心保証.
Post
