首首.韓式小館 (Closed)

喜帖街重建後第一次重回這條街道，重建後多咗一份華麗高貴嘅感覺，街上嘅燈飾配置，好似置身於外國咁。沿路見到依間 首首・韓式小館幾有feel，決定入去一試。餐廳裝潢比較似係西式風格，並唔似一般嘅韓國餐廳，感覺係韓式西式fusion菜的餐廳，亦有紅白餐酒menu。一坐低，店員很快就端上了前菜，分別是醃筍、泡菜和木耳絲。醃荀咬落很爽口，作為前菜幾開胃。而泡菜唔會太辣，幾適合香港人口味。而木耳絲酸酸甜甜都好開胃。第一樣我地嗌咗大邱香辣蒜粒牛肋骨肉質食落一啲都唔韌﹐完全唔會有筋同埋肉味好濃郁。醬汁入面加咗冬菇同埋粟子，有少少辣但又唔會蓋過牛肋骨嘅鮮味，個汁同牛肋骨好夾，超有心思！而第二道菜就係 古法炸美國粟飼春雞配蜜糖芥末醬驟眼看好似係一般嘅炸雞，但其實係經特別製作過嘅春雞，脆皮咬落十分香脆，脆皮包住嘅就係肉質好嫩滑嘅春雞，中間咬開超多肉汁，雞肉好彈牙唔使用力撕開，雞味十分濃郁，一咬開就可以將啖啖雞肉放入口。埋單兩個人加埋都係四百蚊左右，喺利東街依個高消費嘅地方，依間首首・韓式小館性價比都唔錯！