Video
Read full review
2009-01-20
8 views
前晚放工約左朋友食飯未夠鐘，想揾地方hea下先，但又極之厭倦連鎖咖啡店的咖啡，點知比我係鰂魚涌公司附近一個不起眼都商場發現左呢間咖啡店。店鋪主打虹吸式單品咖啡，以我一個咖啡癡黎講，始終虹吸式咖啡先至可以比到我咖啡嘅真正味道，但類似嘅咖啡店，係香港就好少有。店鋪方面：裝修簡約時尚，跟商場格調大不同，所以好突出，令人眼前一亮，感覺好舒服。加上有免費無線上網，正！食物方面：店鋪供應約十種不同產地的咖啡豆，由比較大路的到高級的藍山一號都有，其中有兩隻係 fair trade coffee 黎，店長話係精心挑選嘅，於是我就點了其中的危地馬拉，齋飲，果然不同凡響，各種味道好平衡，好純，余味好足夠，真係好有水準。除左咖啡，店鋪仲有各式蛋糕，鬆餅，牛角飽，多士，曲奇供應，其中有如檸檬蛋白蛋糕，以及我至愛嘅 marble cheese cake，店長話為保新鮮，食品限量供應，每日買完就冇。因為 marble cheese cake已買曬，我點了最後一件藍莓 cheese cake，藍莓嘅酸味正好平衡好rich 嘅芝士味，一口芝士餅，一啖咖啡，簡直係至高享受。個店長幾好傾，仲話遲D lunch有三文治，沙
店鋪主打虹吸式單品咖啡，以我一個咖啡癡黎講，始終虹吸式咖啡先至可以比到我咖啡嘅真正味道，但類似嘅咖啡店，係香港就好少有。
店鋪方面：
裝修簡約時尚，跟商場格調大不同，所以好突出，令人眼前一亮，感覺好舒服。加上有免費無線上網，正！
食物方面：
店鋪供應約十種不同產地的咖啡豆，由比較大路的到高級的藍山一號都有，其中有兩隻係 fair trade coffee 黎，店長話係精心挑選嘅，於是我就點了其中的危地馬拉，齋飲，果然不同凡響，各種味道好平衡，好純，余味好足夠，真係好有水準。
除左咖啡，店鋪仲有各式蛋糕，鬆餅，牛角飽，多士，曲奇供應，其中有如檸檬蛋白蛋糕，以及我至愛嘅 marble cheese cake，店長話為保新鮮，食品限量供應，每日買完就冇。因為 marble cheese cake已買曬，我點了最後一件藍莓 cheese cake，藍莓嘅酸味正好平衡好rich 嘅芝士味，一口芝士餅，一啖咖啡，簡直係至高享受。
個店長幾好傾，仲話遲D lunch有三文治，沙律供應添。
睇黎以後 Lunch 同放工有個好地方可以落腳hea 下啦！
Post