嚐館 (Closed)

唔知有幾多人寧願瞓晏啲而放棄早餐呢？包括我在內，相信大家都習慣夜蒲，晨早起身真係一件唔簡單嘅事。不過，近日天氣唔錯，決定喺黃大仙嘅嚐館嘆份早餐，再出發行山，由喜愛日蒲開始今日嘅小旅程。濃香黑椒汁美國安格斯牛扒拼出前一丁黃大仙嚐館嘅出前一丁唔需要另外加錢，所以識食就梗係揀出前一丁啦！當然你都可以轉配通粉、米粉。至於湯底就係出前一丁嘅麻油味湯底，真係啱晒我口味。至於早餐嘅薄牛扒都唔會求求其其，用上美國嘅安格斯，配上濃香嘅黑椒汁，令早餐已充滿食神。值得一讚嘅係，牛扒係會另上，咁就唔會浸住喺個湯麵入邊啦。香煎美國雞扒出前一丁另一款早餐，就選擇咗香煎美國雞扒。雞扒夠厚身，唔會煎得太乾，而雞皮香口仍有油香。配搭嘅炒蛋非常香滑，夾住牛油多士一齊食，就更加好味！