白玉蘭 (Closed)

白玉蘭係我其中一間喜歡嘅中菜餐廳，可以食到不同省份地區嘅中菜餐廳，可能我每次都係食晚飯，沒有白天的擠湧壓迫，好有金融鬧市中帶點寧靜寫意感覺！服務好、環境舒適之餘，好鍾意碟上公仔圖畫，彷似未開餐先欣賞藝術品！杭州宋嫂魚羮 － 好好飲的一個羹湯、充滿魚肉鮮味！煎素餃子 － 煎得好香脆，而且饀料充滿係有口感嘅齋菜蓉，好味！北京宮爆蝦球 － 原來個酸辣汁係淋喺蝦球上，我哋要求汁另上，可以自己喜好汁多少。蝦球炸得好靚，外皮鬆脆，蝦肉非常爽口，超級正！白玉蘭梅乾菜扣肉 － 雖然扣肉唔係傳統厚扣肉，係薄薄的，我覺得少了飽濟感外、更加入味！而且個精髓係梅菜，伴以隨送嘅包點食，超級香超級正！銀線炒小豆苗 － 新鮮清爽的小豆苗。無論環境、服務、食物質素都值得推介，係我喜愛的中菜之選！