老二花廳 (Closed)

老二花廳坐落於旺角的唐樓，鬧市中帶點隱秘，沿著暗長的窄樓梯走到2樓，看到門前有大大個李小龍圖案，你便知到了。憑著玩味、搞鬼的心態經營，係一間充滿諷刺色彩的懷舊餐廳，牆上畫有「頭大身細」的金仔、拉登等政治人物，頗有喜感。還有特意保留的綠白色階磚、舊式風扇、多士爐、雪櫃，有d更加係屬於我出生的年代的物品，看著別有一番感覺。Set dinner價錢不貴，平均2百多一個人，有齊沙律/餐湯、主菜、甜品及餐飲。青醬煙三文魚扁意粉幾creamy，意粉分量好多，不過會容易快凍，建議襯熱食。煎三文魚扒配薯角，先要讚讚炸得金黃香脆的薯角，熱氣得黎又甘香惹味，相反三文魚扒有點失色，煎得過乾，無左魚原有的水份。最後送上Tiramisu及藍莓芝士蛋糕，Tiramisu質地軟滑，同時食出芝士和酒香；另一經典藍莓芝士蛋糕口感較實淨，濃郁帶點酸的忌廉芝士，配上藍莓醬，為我的晚餐畫上句號。