舊墟茶居 (Closed)

來到聯和墟入到和泰街經過教堂後,望到舊墟茶居就好想飲茶,茶樓地鋪位子不算多,但佔整條街一大半成長方形,對面就有咪錶位,幸運泊到的更可望住架車慢慢嘆茶,街口入來的教堂旁都有露天時租停車場(熟這區的一定知道喇)。茶樓內有唔少自然光由落地玻璃窗由外透入,環保又舒適,陽光太猛可以拉下布簾。*燒鵝河粉$28,有燒鵝脾呀半肥瘦,肉質淋滑,皮較乾,沒有脹卜卜又脆又滑的感覺,湯底唔錯,唔會過咸或無味。*宮廷千絲餅$16.8,下單時睇錯了以為系蘿蔔千絲酥,原來叫錯,呢個似厚身手抓餅,但無餡,所以我覺得可以加餡(如:芝士,香蔥,紫薯)會更好。*鮑汁鮮竹卷$16.8,濃湯鮑汁浸住鮮竹卷,非常入味,餡內有椰菜,紅蘿蔔,西芹,豬肉冬菇,味道口感豐富。*大蝦燒賣皇$24.8,原隻大蝦新鮮爽口,豬肉半肥瘦不乾柴,還保留不少肉汁。