澳葡牛奶餐室

Open Now

Now Closed

無無聊聊之際行街行到深水埗，見到間餐廳裝修同周圍環境好唔同，吸引我行入來。嘢食都唔少，點咗幾樣疑似葡國食品共享，話是話，都2年冇去澳門喇。以下食品氹仔咖喱魷魚麵，葱油豬扒飯，炸馬介休球令我哋仿如行入澳門大街小巷度搵食。葱油豬扒飯葱油好多， 香味扑鼻，再加上大大舊香脆豬扒和白飯，好味到停唔到口，橄欖球狀嘅炸馬介休球裡邊有馬介休，洋蔥，薯仔等材料，非常之可口惹味。金沙雞翼呢，店家用咗好多蛋黃來整，味道唔錯。碟豆花鮮奶和宇治金時鮮奶絕對係打卡雙寶。而葡撻，杏汁燉奶，雙皮奶係店家之寶，差唔多人人檯面都有，唔錯唔錯。