Walter Bistro (智選假日酒店)

Open Now

Now Closed

今日放工約左同事，試下呢間自助餐~聽講呢間系一間半自助餐，需要預先選擇主菜和配菜，原本想試下麵包蟹ge，但係好可惜，買曬，所以我選擇左鵝肝，而家就先講下D主材先啦~~呢個肉眼扒（五成熟），肉質都算幾好，都幾多汁，絕對唔失禮。如果唔吃得牛肉，建議可以試下呢個主菜，我朋友點左呢個，我試過味，個飯個汁非常出色，而且個帶子，吃得出，系新鮮噶~~（呢間自助餐，D醬汁其實算整得幾好）呢兩個海鮮區，都系中上水平，油甘魚，非常鮮甜，不過八爪魚居然有D 腥，唔知道平時質素如何，但系當日就可以接受~而海鮮區，我就用呢個螃蟹為例，好多肉，美中不足，就系唔夠鮮甜~螺肉同出面水平一樣啦，可以試下~~生蠔個質素就好好笑，唔系次次質素一樣，一時就好瘦，一時就好肥美，而且有時好重海水味，（唔系好明點解會出現呢個情況）當日我吃左22隻，所以我好清楚~呢個牌子的雪糕系任吃的，唔多講啦如果一間餐廳醬汁整得好，湯也一定唔差得去邊~嘻嘻