金記冰室 (八號花園) (Closed)

曾經同朋友研究過究竟法蘭西多士裏面係應該有冇花生醬嘅呢？我阿媽年代嗰時話有，而家呢個年代又好似冇，但我始終都係鍾意食有花生醬嘅西多士。今日又被公司安排放假，瞓到自然醒就落街買個早午餐，好耐都未食過 法蘭西多士$32，金黃的外表，重點係中間有好多花生醬，味道香濃，粗粒花生醬更加係我最愛，好食到停唔到口，而我竟然忘記咗落糖漿，如果唔係味道更加經典，整體都係好味！食茶記又點少得 金牌乾炒牛河 $65，貴得有道理，乾炒牛河有鑊氣，乾身而且炒得均勻，牛肉份量多，肉味濃郁，而且入口柔軟多汁，唔會乾。再追加一個 招牌鮮牛肉餐 $52，天氣悶熱有時會冇乜胃口，招牌鮮牛肉米粉，湯底好味道，鮮牛肉嫩滑，食落都幾開胃。因為配西煎雙蛋跟牛油多士，多士返到屋企都仍然係脆卜卜，真係要讚！整體感覺更加豐富。