Video
Read full review
2008-12-08
10 views
小金魚超愛打邊爐，天氣熱都會照打~~~~連我身邊好多個朋友都係同一種人，尋日有個朋友仔"了"起條根話想打，我當會話"GOOD"啦。打邊爐比BBQ好的地方係唔多人都OK，所以連我都係只得3條友呢.....本嚟都係想去稻香，但係朋友仔話不如試下譚魚頭啦，其實價棧同稻香差無幾。旺角個間譚魚頭佢新開張時試過一次，嘩~~~無論係招待同食物同價錢都只係用差同貴嚟形容。不過小金魚一向都係個"順得人"，既然朋友話想試，OK~比多次機會佢。上到去差唔多七點，無人等位之餘全店都只係得幾枱客，大把位過你揀.....因為有個朋友未嚟，我同朋友又有點肚餓，見佢有好多熟食同小食類揀，就揀咗2個嚟食：鹵水鵝亦：其實味道唔差，只係好奇怪地半冷微熱咁，不過份量ok~同d鵝亦都幾有肉地。酸辣海哲：因為小金魚都幾食得辣，呢碟辣我接受到，只係有點酸，同我都係比較鐘意食麻油撈既海哲多d囉。好啦，食完朋友仔就嚟啦，可以叫湯底同生料啦..............湯底：番茄 + 魚湯 = 都幾好，幾好只係因為小金魚唔食番茄，但係如果你係鐘意的話，咁呢個湯底就啱曬啦，番茄味濃，攞嚟淥野好入味(呢個係朋友講，我無食過唔知hehehehe
連我身邊好多個朋友都係同一種人，尋日有個朋友仔"了"起條根話想打，我當會話"GOOD"啦。
打邊爐比BBQ好的地方係唔多人都OK，所以連我都係只得3條友呢.....
本嚟都係想去稻香，但係朋友仔話不如試下譚魚頭啦，其實價棧同稻香差無幾。
旺角個間譚魚頭佢新開張時試過一次，嘩~~~無論係招待同食物同價錢都只係用差同貴嚟形容。不過小金魚一向都係個"順得人"，既然朋友話想試，OK~比多次機會佢。
上到去差唔多七點，無人等位之餘全店都只係得幾枱客，大把位過你揀.....
因為有個朋友未嚟，我同朋友又有點肚餓，見佢有好多熟食同小食類揀，就揀咗2個嚟食：
鹵水鵝亦：其實味道唔差，只係好奇怪地半冷微熱咁，不過份量ok~同d鵝亦都幾有肉地。
酸辣海哲：因為小金魚都幾食得辣，呢碟辣我接受到，只係有點酸，同我都係比較鐘意食麻油撈既海哲多d囉。
好啦，食完朋友仔就嚟啦，可以叫湯底同生料啦..............
湯底：番茄 + 魚湯 = 都幾好，幾好只係因為小金魚唔食番茄，但係如果你係鐘意的話，咁呢個湯底就啱曬啦，番茄味濃，攞嚟淥野好入味(呢個係朋友講，我無食過唔知hehehehe)，個魚湯就一般啦，食唔到好大的魚味，不過D朋友仔又唔食得辣，求其啦。
生料類：
炸魚皮：呢度d炸魚皮真係好好食，無油溢味又脆，雖然細塊咗d，但係無論浸湯定齋食都好味道。good~
豆苗：呢個我之前係稻香都成日食，只係後嚟無咗~見呢度有，當然會叫啦，攞豆苗嚟打邊爐都好好食，唔老又無渣。good~
芝心丸：呢種丸係度度地方都好食，呢度就唔錯啦，不過唔係煮太耐，唔係d芝士會老 + "un"，咁就not good啦~
蟹籽丸：其上面個個一樣，不過呢個煮耐d都ok~因為d蟹籽熱辣辣咁食，仲好食~~
竹笙：呢個好食在好索味，尤甚係攞係番茄湯個邊(我有個朋友仔話好似食緊份子美食咁~，因為你明明見到一塊千笙，但係食落口就變成一個番茄咁HEHEHE)。
:bowl皇庭貢丸：唔好食，又淋又無味似豬肉丸多d，我朋友就話平日唔係咁，唔知係咪我唔好彩呢。
珊瑚蚌：呢個明明係小金魚打邊爐最鐘意食的生料，但係呢度只得大大件，味道就欠奉啦~~~
:肥牛 & 羊肉：味道麻麻，牛無牛味，羊只有酥味。
什菇籃：故名思意乜菜都有，計有金菇+生菜+幾片唔知名的菇+鮮冬菇+生菜等等，菜都幾新鮮，而且乜都有唔洗煩，不過份量就唔多，如果你鐘意食入面某樣菇的話，可能會覺得唔夠。
應該仲有食其他野，但係我忘記了(hehehhe)，整體上呢度d野食唔錯。
service方面，d待應會主動加水收碟咁，連係我地自己叫錯野(我想叫什菇籃但係剔咗什菜籃)都肯換比我。
價錢每位260.00，但係已經叫到成枱野食唔完，同我平日去稻香差無幾囉。
見佢9點後仲有任食(每位好似120到啦)，搵次再去試下先.......
Post