喜茶 (Closed)

我承認我係好out 。當大家以前成日話返大陸飲喜茶,直至佢喺沙田開分店既時候,我都未試過 。難得佢喺九龍開間分店,條隊又唔係真係咁長嘅時候,終於去試咗!🔸芝芝芒芒 試完之後終於知道點解佢咁出名。 雖然價錢唔平但係佢嘅份量都係人哋嘅1.5倍 。又如果用三十幾蚊買杯無鮮奶既珍珠奶茶, 用四五十蚊買過新鮮嘅水果茶又唔係真係咁貴。 佢芒果澎湃嘅程度 係令你覺得 ,佢真係有落番咁上下成本, 另外佢同人哋唔同嘅係佢嗰個茶底!個茶底真係做得唔錯~~加埋個芝士奶蓋鹹香得嚟唔肥膩。🔸多肉葡萄 的確係食到好多去皮去核嘅新鮮葡萄既。成杯感覺就清新啲 ,酸酸甜甜,最緊要都係有嗰個茶底,味道係唔錯嘅 。不過 我個人就比較鍾意芝芝芒芒!下次儲夠錢又再買過來飲😍😍