Via Tokyo (Closed)

自從係澳洲既一間日本餐廳食過一柸綠茶雪榚後就變成一個不折不扣既“綠茶控”.當Via Tokyo 開左係尖沙咀既時候，每次都想入黎食下雪榚休閒下，但總係唔成功因為太多人等侯，如果外賣係街上食呢柸雪榚，就會感覺變得太差，因為氣溫令雪榚溶化得快，而令到食快左感覺唔到雪榚中綠茶味既真正美味。有一個帶着日本口音講廣東話既侍應幫我落單，我叫左個綠茶北海道牛奶雪糕筒，牛奶同綠茶味急得啱啱好，佢哋唔會搶咗對方既味，係舌頭同口腔裏面慢慢溶化好滑，紅豆蓉起晒沙好綿，丸子好煙韌有咬口。下次會再黎試埋其他款式！