沐白小農 (Closed)

呢日喺荃灣行街，行到口渴就去咗路德圍試嗰道嘅珍珠奶茶舖，沐白小農嘅藍白色風格好吸引，一於就試下佢啦！適逢白色情人節附近 仲見到佢地搞緊個「#沐白告白日」嘅event，喺ig出post有機會贏到澳門來回船票同酒店住宿喎！我ig就唔夠多follower喇，留返個機會比大家呢度用嘅係日本嘅明治鮮奶，質素有保證！👍🏽我哋叫咗三杯嘢，除咗黑糖珍奶之外都可以揀糖量，而冰量就全部都可以自定。大甲芋頭鮮奶（$30）喺店員手上接過杯層次分明嘅鮮奶，杯底係香濃嘅芋粒，上面係鮮奶，店員建議飲之前先上下搖匀，將鮮奶同芋頭融合。第一啖飲落去可能覺得平平無奇，同市面上其他奶茶舖差唔多，但飲落就飲到其實內裏有層次上嘅不同。鮮奶味裏面帶著淡淡嘅芋頭香味，配搭上一粒粒嘅芋頭蓉，令人齒頰留香，想不斷飲落去🤤沐白黑糖波霸鮮奶（$30）呢杯都要首先上下搖匀，等啲奶同黑糖撈埋一齊～鮮奶用得明治梗係好重奶味啦👍🏽  底部嘅黑糖珍珠熱辣辣，遇上冰凍嘅鮮奶，變得Q彈有嚼口。而且黑糖都痴住每粒珍珠，好味👍🏽除此之外，雖然甜度係固定，但都唔會過甜，唔錯翡翠檸檬（$26）茶底係茉莉花綠茶，有淡淡嘅花茶香味。少少酸，好清新好fresh！另外