阿媽靚湯 (Closed)

同嫲嫲從北角走來太子,為的是要飲吓所謂的靚湯,果然不負所望...那碗'沙參玉竹蘋果煲豬骨',你唔會搵到一大層油,十足十我屋企煲啲清淡湯水咁,少油到你睇唔到,啱晒啲勁驚油嘅女士,同埋好清甜. 據負責人所說,他們每天的湯水都不一樣,每日嚟飲都唔會悶.另外同嫲嫲點咗'鴛鴦雲吞米線'同'粟米鯪魚雲吞米線',加熱杏霜同cuppaccino紅豆冰. 粟米唔係冷藏粟米粒,而係用新鮮粟米用人手逐粒揻出嚟,怪不得食落冇雪味;雲吞啲肉好鮮味,湯底又係好清,正到你想再試埋其他嘢!仲有,佢嗰杯cuppaccino紅豆冰,係佢哋自創的!好香好香,紅豆又好淋,服務員又主動問我使唔使少甜,真係覺得好周到. 其實仲有其他配搭,可以配'好立克','阿華田','杏仁霜'......而家諗起,都好想再試埋其他.再約埋family,friends,uncle,auntie...再食過!!!p.s. 環境非常舒適, 服務員態度又好