麵屋一京 (Closed)

住係深水埗好多年，自己好鐘意食拉麵但深水埗野食就多，但拉麵店真係無乜。星期六同女朋友行過北河街見到之前間粉麵店變結業後竟然開佐間拉麵，當然即刻衝入去試下啦。裝修基本無乜點改動過，成個間隔都係差唔多，坐位都算鬆動，香港黎講都難得。一眼望埋去，煮麵師傅係日本人，而侍應就全部都係後生仔(學生哥樣)，餐牌就一張紙，基本無乜選擇，無湯底揀，問過侍應姐姐，湯底全部都係豬骨+雞+醬油，都OK。反轉餐牌係一個幾得意既名 "真·叉燒拉麵" ，話係真空低溫調理，我即刻決定試下，而女朋友點佐個半熟卵拉麵，等既時間唔算耐，可能枱數唔多，處理速度都快。真·叉燒拉麵：一眼望埋去真係嚇佐一路，好多"叉燒"，但真係好紅，好似生豬肉咁，即刻問下侍應，佢地話因為係低溫長時間處埋，所以肯定已經無曬細菌同熟，亦保留佐最佳口感。 食落係幾特別，始終我真係未食過生豬肉，但因為太多肉了，食到最尾開始有點覺得滯~~但的確幾特別，係日本都好似未見過半熟卵拉麵：我同樣試佐女朋友呢個幾啖，呢個絕對係穩陣，唔算特別，但絕對唔差，叉燒都唔會係平時食拉麵個種全熟叉燒咁，而係感覺有點太嫩滑，但我食佐我自己個碗當然覺得呢碗無問題啦﹗湯底幾濃...呢