佐賀山田 (Closed)

今日去咗朋友仔屋企玩，差唔多到晚飯時間就行咗去青衣城睇吓有乜嘢食，朋友想打邊爐，所以我哋就揀咗呢間一人一鍋。餐廳環境乾淨企理，食物處理方面亦做得唔錯，部份蔬菜會放喺雪櫃裏面保存，另外仲有甜品同雪糕供應。餐廳提供五種價錢嘅放題同有八款湯底俾你揀，我地揀咗特選美國牛肩胛肉放題。牛肉品質唔錯，海鮮方面更加出色，尤其係墨魚仔，超級大隻之餘煮熟後仲唔會縮水，入口啖啖肉超滿足，而且上菜速度超級快，完全冇拖單嘅情況出現。