Video
Read full review
2018-09-15
127 views
經過咁啱又想食下鍋貼，就成為左座上客～order左五隻豬肉鍋貼同鮮炸豬扒麵，等左幾分鐘，就有得食！「鮮炸豬扒麵」－豬扒豬扒超油！碟底油光閃閃嫁，不過油炸有油當然係正常既。豬扒應該係連皮，炸粉雖然好薄，外觀望落炸到金黃、幾靚，但入面豬扒既肉同皮係分離嫁。由於太過油同多脂肪，我唔敢食層皮同炸粉，自己整走左外層炸皮，淨係食啲肉。所以係咪即炸既我就唔知啦，去完皮先食豬扒熱都變左凍><去皮後豬扒瘦肉都仲痴住啲黃色皮下脂肪豬扒肉質雖然結實，但一啲都唔juicy同略鞋口，不過未至於咬唔開。同埋豬扒冇肉味。－麵用左上海麵既中麵，本身以為中麵粗啲，食落會煙韌啲，但其實唔係。可能煮麵既時間耐左又或者本身麵條就係相對淋身，麵條冇口感，質地麻麻－湯底湯底係清湯，但明顯見到有唔少油脂係湯面飄浮，唔知啲油份係邊到黎我冇飲到，唔知係咪味精水。－配料湯麵有椰菜、雪菜同蔥作為配料。（外食可以食到菜其實都幾開心）椰菜保持到爽脆，唔錯雪菜同蔥就正常。整體而言，鮮炸豬扒麵質素偏低。不過以$36哩個價錢係尖沙咀可以食到咁大碗既麵，性價比算唔錯。如果單純想填飽肚，絕對係唔差既選擇；但對味道、食物質素有要求，千其唔
「鮮炸豬扒麵」
－豬扒
豬扒超油！碟底油光閃閃嫁，不過油炸有油當然係正常既。
豬扒應該係連皮，炸粉雖然好薄，外觀望落炸到金黃、幾靚，但入面豬扒既肉同皮係分離嫁。
由於太過油同多脂肪，我唔敢食層皮同炸粉，自己整走左外層炸皮，淨係食啲肉。
所以係咪即炸既我就唔知啦，去完皮先食豬扒熱都變左凍><
去皮後豬扒瘦肉都仲痴住啲黃色皮下脂肪
豬扒肉質雖然結實，但一啲都唔juicy同略鞋口，不過未至於咬唔開。
同埋豬扒冇肉味。
－麵
用左上海麵既中麵，本身以為中麵粗啲，食落會煙韌啲，但其實唔係。
可能煮麵既時間耐左又或者本身麵條就係相對淋身，麵條冇口感，質地麻麻
－湯底
湯底係清湯，但明顯見到有唔少油脂係湯面飄浮，唔知啲油份係邊到黎
我冇飲到，唔知係咪味精水。
－配料
湯麵有椰菜、雪菜同蔥作為配料。
（外食可以食到菜其實都幾開心）
椰菜保持到爽脆，唔錯
雪菜同蔥就正常。
整體而言，鮮炸豬扒麵質素偏低。
不過以$36哩個價錢係尖沙咀可以食到咁大碗既麵，性價比算唔錯。
如果單純想填飽肚，絕對係唔差既選擇；但對味道、食物質素有要求，千其唔好黎！
（我行入店鋪果陣見到差唔多台台都有叫炸豬扒飯或者炸豬扒麵以為好出色，所以平時少食炸野既我都決定一試，不過食完完全唔明點解會有咁多人叫）
鍋貼
門口有一大個鐵鑊整定左啲鍋貼，客人一落order就即刻送到。
由於一早就整好左既關係，就算係一放落黎我就即食，鍋貼都只係微暖
－外皮
鍋貼皮既厚度適中。唔會過厚，好似食緊麵粉咁；亦未至於太薄，變相食肉丸。
－底
如果食到底係脆既鍋貼，個人而言，一定加分
因為脆既底可以增加口感，令你覺得自己係食緊鍋貼而唔係水餃~
而哩到既鍋貼底係做到哩一點既，
冇期望下食落發覺係底係脆既都幾驚喜
－餡料
下圖可見，鍋貼餡料得豬肉、冇加入任何蔬菜；
亦可以明顯見到肥豬肉既份量都唔少，每個位置都分佈左；
餡料份量啱啱好，
無咩湯汁，唔夠juicy，
餡料亦無咩肉味同鮮味。
可取之處係佢調味適中，唔會太鹹或太淡
整體而言，鍋貼都係普通貨色，平平地過下口癮，唔算出色。
放耐左鍋貼表皮會出現一粒粒油份，同樣存在過油既問題
btw，加埋豆瓣醬食會好食啲嫁
鍋貼
$14
22 views
0 likes
0 comments
鮮炸豬扒麵
$36
9 views
0 likes
0 comments
Post
