Peloton (Closed)

Item: Peloton
Rating: 3
Author: JoyfullFoodstagram

81 Reviews

Taste

Decor

Service

Hygiene

Value

4730

Tuen Mun

$51-100

Western Coffee Shop

JoyfullFoodstagram

Level4

444

Peloton係一間屯門新開嘅cafe，位於屯門泳池站嘅御海灣地下～呢間Cafe係用單車做主題，無論係門口定餐廳入面都擺咗唔少單車相關嘅物品裝飾，連員工嘅服飾都係運動風🏃🏻‍♀️🚲不過可能因為新開+店入面嘅座位比較少，佢哋11:30開門無耐就full咗，我同朋友11:45去到就已經要排隊，最後總共排咗接近1個鐘先入座😬 但好彩嗰個位都唔太曬又有啲風，所以排隊都唔算太辛苦🙈 食物種類方面就同一般嘅cafe差唔多，都有all day breakfast、意粉、小食、咖啡，整體嚟講味道正正常常，無太大驚喜😂 不過屯門真係比較少呢種有特色佈置嘅主題cafe，仲要係pet-friendly嘅就真係無幾多間，所以都值得嚟試一試～•🥢 炸雞牛角包窩夫 $78除咗有炸雞同埋牛角包窩夫之外，仲有脆煙肉、薯餅同埋沙律，都幾豐富，擺盤都有啲有趣🤣 將啲炸雞放咗喺薯餅同croffle中間，但其實食嘅時候都係將佢哋攤返開🙈 炸雞係炸到表面好乾身好脆嘅，炸粉有少少厚，入面肉嘅部份有啲少😬 Croffle嘅口感有啲太實，無咗牛角包嘅鬆軟酥脆口感；薯餅、脆煙肉同沙律就正正常常～不過成個配搭就有啲太乾，如果有返少少醬汁

Read full review

Peloton係一間屯門新開嘅cafe，位於屯門泳池站嘅御海灣地下～呢間Cafe係用單車做主題，無論係門口定餐廳入面都擺咗唔少單車相關嘅物品裝飾，連員工嘅服飾都係運動風🏃🏻‍♀️🚲
不過可能因為新開+店入面嘅座位比較少，佢哋11:30開門無耐就full咗，我同朋友11:45去到就已經要排隊，最後總共排咗接近1個鐘先入座😬 但好彩嗰個位都唔太曬又有啲風，所以排隊都唔算太辛苦🙈
食物種類方面就同一般嘅cafe差唔多，都有all day breakfast、意粉、小食、咖啡，整體嚟講味道正正常常，無太大驚喜😂 不過屯門真係比較少呢種有特色佈置嘅主題cafe，仲要係pet-friendly嘅就真係無幾多間，所以都值得嚟試一試～
•
🥢 炸雞牛角包窩夫 $78
除咗有炸雞同埋牛角包窩夫之外，仲有脆煙肉、薯餅同埋沙律，都幾豐富，擺盤都有啲有趣🤣 將啲炸雞放咗喺薯餅同croffle中間，但其實食嘅時候都係將佢哋攤返開🙈 炸雞係炸到表面好乾身好脆嘅，炸粉有少少厚，入面肉嘅部份有啲少😬 Croffle嘅口感有啲太實，無咗牛角包嘅鬆軟酥脆口感；薯餅、脆煙肉同沙律就正正常常～不過成個配搭就有啲太乾，如果有返少少醬汁會好味啲😬 (啱啱再睇返menu先發現原來係有配「蜜糖芥末汁」，但當日食嘅時候應該落漏咗😥)

•
🥢 虎蝦、阿拉斯加蟹肉、粉紅手打意大利粉 $98
呢個意粉係朋友揀嘅～佢哋嘅手工意粉有種好似烏冬嘅彈牙口感，幾特別😋 成個意粉都幾有蟹味，醬汁入面食到一絲絲蟹肉，虎蝦好彈牙，但整體嚟講調味比較淡～

•
🥢 All Day Breakfast $128
另一個朋友食嘅呢個All Day Breakfast好豐富🤩客人可以揀炒蛋、水煮蛋或者煎蛋，朋友就揀咗炒蛋～炒蛋炒得好滑；煙肉亦都好脆好乾身；大啡菇都好juicy👍🏼
另外，比較特別嘅就係個多士同沙律😳 Menu係寫黑松露多士，但嚟到嘅時候係一片啡色類似麥包嘅多士，但食落又真係食到輕微嘅黑松露香，而且烘得好脆身🤩沙律嘅菜好新鮮，個醬唔係用普通沙律醬/沙律醋，而係一個深色嘅醬，食落有啲藍莓醬嘅酸甜味，真係幾特別，而且幾開胃😋