喵星球 (Closed)

小編本身係一個好鍾意貓嘅人，但係因為屋企偏偏唔養得…所以平時放假都會去下貓café同啲貓貓玩過下貓奴癮。今日就去左位於銅鑼灣嘅喵星球。一入門口首先要消毒同埋除鞋，避免帶到細菌俾貓貓，然後工作人員確認左人數後就開始講解注意事項同介紹啲貓貓喇。 Café入面大約有500幾尺，放滿左唔同俾貓貓玩嘅設施佢係韭菜餃，高高在上好有型佢係白菜餃，同韭菜餃係兄弟黎，好鐘意坐係門口佢係芝士，又係好鐘意坐係門口 喵星球係以入場費模式營運，內裡只提供飲品無任何食物提供。每人嘅入場費就包左一杯野飲，想飲多杯就要加錢喇。佢主打嘅飲品有別於一般CAFÉ，係以12款水果茶為主。小編當日就叫左紅莓藍莓水果茶(近)同蘋果薄荷水果茶(遠)。紅莓藍莓水果茶係以紅莓乾、藍莓乾同其他水果乾泡沖，飲落酸酸甜甜令人覺得好醒神。而蘋果薄荷水果茶就係用薄荷葉同蘋果乾一齊泡沖，薄荷味道十分濃郁，有小小搶左蘋果嘅味道。 喵星球入面不論員工或者貓貓都好親切，鐘意貓貓又或者想放鬆下心情嘅朋友，絕對可以去試下。