Video
Read full review
2023-07-09
79 views
*喵🐱被無數主子包圍的貓奴Cafe🐈🐈⬛*駱駝漆大廈食肆多選擇，原來第1座6樓蘊藏一個「喵星人天堂」！Lunch時間，一行3個女仔小慶祝 決定要去食餐好d, 專誠book左呢間貓咪Cafe, 除左餐廳食物同飲品好有創意，最過癮係餐廳內有好多貓貓🐈🐈⬛陪我地玩 陪我地食！到達門口位置，店員已經好細心咁提我地喺門口著上藍色鞋套，保持衛生，當然仲有消毒雙手！場內好多一家大細同愛貓之人，小朋友見到咁多可愛的貓仔走來走去，最開心不過，追追摸摸，要媽媽嗌先捨得返位食野，哈😜雖然只係午餐，但3個女仔見到餐牌上好多野食都好吸引, 叫左3個正餐+2個甜品+4杯特色飲品☺️一場黎到 試多啲野嘛😆 等緊上菜，梗係要出去同貓貓互動一下, 每隻貓仔都掛上名牌，當中我最喜愛的就是英短了，眼神呆呆咁，得意到🔆土匪燒春雞伴孜然燒汁(半隻) *🔆冬蔭功燴意大利飯 *🔆煙三文魚班尼迪酸種麵包配薯條 *🔆朱古力合桃布朗尼配雪糕🔆紅豆抹茶窩夫配雪糕🔆400次焦糖咖啡🔆Oreo脆脆特濃朱古力🔆意大利薄荷咖啡🔆凍精選特調咖啡*午餐奉送 脆卜卜牛油多士條 及 餐湯🍗燒春雞fusion做法有意思，西式烤焗做法，但陣陣的孜然香味😌一
駱駝漆大廈食肆多選擇，原來第1座6樓蘊藏一個「喵星人天堂」！
Lunch時間，一行3個女仔小慶祝 決定要去食餐好d, 專誠book左呢間貓咪Cafe, 除左餐廳食物同飲品好有創意，最過癮係餐廳內有好多貓貓🐈🐈⬛陪我地玩 陪我地食！
到達門口位置，店員已經好細心咁提我地喺門口著上藍色鞋套，保持衛生，當然仲有消毒雙手！場內好多一家大細同愛貓之人，小朋友見到咁多可愛的貓仔走來走去，最開心不過，追追摸摸，要媽媽嗌先捨得返位食野，哈😜
雖然只係午餐，但3個女仔見到餐牌上好多野食都好吸引, 叫左3個正餐+2個甜品+4杯特色飲品☺️一場黎到 試多啲野嘛😆 等緊上菜，梗係要出去同貓貓互動一下, 每隻貓仔都掛上名牌，當中我最喜愛的就是英短了，眼神呆呆咁，得意到
🔆土匪燒春雞伴孜然燒汁(半隻) *
🔆冬蔭功燴意大利飯 *
🔆煙三文魚班尼迪酸種麵包配薯條 *
🔆朱古力合桃布朗尼配雪糕
🔆紅豆抹茶窩夫配雪糕
🔆400次焦糖咖啡
🔆Oreo脆脆特濃朱古力
🔆意大利薄荷咖啡
🔆凍精選特調咖啡
*午餐奉送 脆卜卜牛油多士條 及 餐湯
🍗燒春雞fusion做法有意思，西式烤焗做法，但陣陣的孜然香味😌一切開，雞肉Juicy嫩滑，芝麻脆皮相當惹味！配菜有creamy薯蓉同片燒茄子、蘿蔔、翠肉瓜，燒烤味濃，而且解膩😋
🌶️冬蔭功燴飯幾有創意，份量多，海鮮炆煮後，入味而保持鮮嫩，如果辣度可以解低返少少/提供辣度選擇，就更好了！
🧇紅豆抹茶窩夫配雪糕賣相精緻，我地點黎慶祝生日，張合照都igable啊❤️ 件件心形窩夫都焗到外脆內煙韌，配上雪糕、紅豆同cream大滿足🥰
☕400次焦糖咖啡真係唔講得少，第一啖已經十分濃厚同香滑🍯
除左食物，我地都好感受到店員的細心和對貓咪的愛護，餐廳除左有廣闊的空間同設施比小貓走動同休息，店員送餐照顧客人之餘，都會一眼關七，留意唔好比貓貓掂到人類的食物/飲品。食到一半，遇上貓貓餵食時間，幸運的客人可以拎住糧，一嘗「比貓圍」的感覺了😊 貓奴同主子一同進餐，真係幾幸福👍🏻
最後，我仲encore叫多左杯飲品，好滿足咁抱住個肚準備返公司了，但真係唔捨得咁chill的環境同咁多可愛的貓貓啊😙 下次晚餐時段再黎，就可以玩耐啲，同多啲貓貓影相了📸
❣️URBAN Cafe (駱駝漆大廈)❣️
觀塘開源道62號駱駝漆大廈第1座6樓
Post
