Video
Read full review
2018-10-21
477 views
九龍灣可以話係肥妹仔嘅地頭，捐窿捐罅搵嘢食完全唔係問題!今次去咗呢一間大魚屋台度食晚餐。蟹子沙律 $38通常食日本菜肥妹仔一定會叫一個沙律食， 呢度嘅蟹子沙律夠新鮮， 好食。油甘魚刺身 $26三文魚腩刺身 $20赤身刺身 $30肥爸好鍾意食刺身，所以肥妹仔特登叫咗呢三款去孝敬佢。肥爸食後感係覺得呢度嘅刺身雖然價錢好平，但係質素一啲都唔馬虎，好新鮮，食落去好香魚味同鮮味。軟殼蟹水菜捲 $58呢一個軟殼蟹卷好好食，軟殼蟹炸到香脆。味噌煮大根豬軟骨 $52佢嘅蘿蔔非常入味，味噌味好濃，豬軟骨亦都好淋，入口即溶。煎沖繩豚肉餃子 $48餃子皮薄煎到好香脆，豚肉餡料醃得不錯。關東煮 $36關東煮我哋叫咗魚餅，黑豚肉腸，同竹輪。其實食佢嘅最主要唔係材料，而係嗰種關東煮特獨特嘅味道，肥妹仔我好鍾意食。安格斯牛肉鍋烏冬 $78冇澱粉質落肚肥妹仔係唔得嘅!我哋就叫咗一個安格斯牛肉鍋烏冬，安格斯牛肉肉質係比較薄身，但係都唔錯烏，冬煙韌韌，好好食。雞腿肉串燒 $22冬菇串燒 $16雞腎串燒 $22呢度嘅串燒燒物做得唔錯，雞腿肉好嫩滑，冬菇燒到好香，雞腎就非常爽口。海老天婦羅 $30沙
蟹子沙律 $38
通常食日本菜肥妹仔一定會叫一個沙律食， 呢度嘅蟹子沙律夠新鮮， 好食。
油甘魚刺身 $26
三文魚腩刺身 $20
赤身刺身 $30
肥爸好鍾意食刺身，所以肥妹仔特登叫咗呢三款去孝敬佢。肥爸食後感係覺得呢度嘅刺身雖然價錢好平，但係質素一啲都唔馬虎，好新鮮，食落去好香魚味同鮮味。
軟殼蟹水菜捲 $58
呢一個軟殼蟹卷好好食，軟殼蟹炸到香脆。
味噌煮大根豬軟骨 $52
佢嘅蘿蔔非常入味，味噌味好濃，豬軟骨亦都好淋，入口即溶。
煎沖繩豚肉餃子 $48
餃子皮薄煎到好香脆，豚肉餡料醃得不錯。
關東煮 $36
關東煮我哋叫咗魚餅，黑豚肉腸，同竹輪。其實食佢嘅最主要唔係材料，而係嗰種關東煮特獨特嘅味道，肥妹仔我好鍾意食。
安格斯牛肉鍋烏冬 $78
冇澱粉質落肚肥妹仔係唔得嘅!我哋就叫咗一個安格斯牛肉鍋烏冬，安格斯牛肉肉質係比較薄身，但係都唔錯烏，冬煙韌韌，好好食。
雞腿肉串燒 $22
冬菇串燒 $16
雞腎串燒 $22
呢度嘅串燒燒物做得唔錯，雞腿肉好嫩滑，冬菇燒到好香，雞腎就非常爽口。
海老天婦羅 $30
沙錐魚天婦羅 $15
貝柱天婦羅 $18
日本南瓜天婦羅 $20
海老天婦羅蝦肉大隻爽口彈牙，沙追魚肉質鮮嫩，貝柱天婦羅口感亦都好彈牙，南瓜好甜。
Post
