Video
Read full review
2016-03-10
366 views
畢業之後都好少去上環食野，search search openrice, 原來上環新開左唔少特色餐廳，今晚試呢間係其中一間我地好想試試嘅。餐廳離上環A出口6-7分鐘步程，喺Holiday Inn 對面，都算易搵。餐廳門面細細但相當有格調，以黑色為主調，配以玻璃窗/門，可以令食客邊享受美食邊探望街景，亦可使小小店面增加多些空間感。餐廳裝潢型格而舒適，座枱之前有充足空間，唔會覺得迫。因為入座時間約7點左右，好彩岩岩有位唔使等。想食嘅朋友book定位會安全啲。Menu選擇不多，但勝在夠精，主打西日fusion, 日式西餐，價格親民但質素高誠意夠。佢嘅Dinner Set 相當不錯，有前菜、沙律、主菜、食事、湯及甜品，價錢由$1xx ~ $2xx, 好抵食！前菜炸牛蒡絲、薑汁煮蝦、雞泡魚乾第一眼見到以為係炸薯條，牛蒡係眾所皆知嘅健康食品，將佢裹上薄薄炸粉拎去炸，口感似薯條，但唔會咁粉，感覺爽啲。薑汁蝦帶有淡淡薑味，蝦彈牙。雞泡魚乾較有咬口，令我地做定口部運動，準備食多啲。沙律享用左少少前菜，再食返個沙律清清味蕾。呢個係蟹肉沙律伴芝麻醬，新鮮爽脆沙律菜配上鮮美蟹肉，伴入香濃芝麻醬，perfect
餐廳離上環A出口6-7分鐘步程，喺Holiday Inn 對面，都算易搵。
餐廳門面細細但相當有格調，以黑色為主調，配以玻璃窗/門，可以令食客邊享受美食邊探望街景，亦可使小小店面增加多些空間感。餐廳裝潢型格而舒適，座枱之前有充足空間，唔會覺得迫。
因為入座時間約7點左右，好彩岩岩有位唔使等。想食嘅朋友book定位會安全啲。Menu選擇不多，但勝在夠精，主打西日fusion, 日式西餐，價格親民但質素高誠意夠。佢嘅Dinner Set 相當不錯，有前菜、沙律、主菜、食事、湯及甜品，價錢由$1xx ~ $2xx, 好抵食！
前菜
炸牛蒡絲、薑汁煮蝦、雞泡魚乾
第一眼見到以為係炸薯條，牛蒡係眾所皆知嘅健康食品，將佢裹上薄薄炸粉拎去炸，口感似薯條，但唔會咁粉，感覺爽啲。薑汁蝦帶有淡淡薑味，蝦彈牙。雞泡魚乾較有咬口，令我地做定口部運動，準備食多啲。沙律
享用左少少前菜，再食返個沙律清清味蕾。呢個係蟹肉沙律伴芝麻醬，新鮮爽脆沙律菜配上鮮美蟹肉，伴入香濃芝麻醬，perfect!終於到主菜啦！
澳洲和牛照燒
用左靚靚澳洲和牛，薄切，五成熟。牛味十足，外層微焦，肉心仲係粉紅色，鎖住肉汁，正！香草紐西蘭羊架
羊架外焦脆內juicy, 又夠肥美，油脂足，羊羶都有，食羊最怕冇羊味，羊架如果夠鮮夠靚，簡單調味已經好好食，羊架唔算太大份，我1個人都可以輕易解決2隻！食事
迷你牛肉咖哩飯
將牛肉料理成一絲絲，充份地融入咖哩入面，呢個咖哩係日式的，偏甜唔辣，配上軟綿珍珠米食真係perfect!蔥呑拿魚碎壽司飯
呢碗係細細碗嘅壽司飯，吞拿魚生整成蓉，混入少許蔥，好香好鮮味！甘荀忌廉湯
湯非常杰身，好似將成個甘荀飲落肚咁，加左忌廉增加左湯嘅滑度，清新而不膩，感覺好健康！今餐以紅豆伴年糕及馬卡龍作完美終結！
佢嘅dinner set menu會不定期更換，期待下次再黎試新野！
Post
